MAGARI MATATU YAGONGANA NA KUSABABISHA KIFO CHA MTU MMOJA NA MAJERUHI.

TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 11.03.2014.

· MAGARI MATATU YAGONGANA NA KUSABABISHA KIFO CHA MTU MMOJA NA MAJERUHI.

• JESHI LA POLISI MKOA WA MBEYA LINAWASHIKILIA WANAWAKE WAWILI   KWA TUHUMA ZA WIZI.

·         JESHI LA POLISI MKOA WA MBEYA LINAMSHIKILIA MWANAMKE MMOJA AKIWA NA POMBE HARAMU YA MOSHI [GONGO].

·         JESHI LA POLISI MKOA WA MBEYA LINAWASHIKILIA WATU WAWILI WAKIWA NA MTAMBO WA KUTENGENEZEA POMBE HARAMU YA MOSHI [GONGO].

  

MAGARI MATATU YAGONGANA NA KUSABABISHA KIFO CHA MTU MMOJA NA MAJERUHI.

GARI LENYE NAMBA ZA USAJILI T.156 AZF AINA YA TOYOTA CRESTA LILILOKUWA LIKIENDESHWA NA DEREVA ALEX MBWAGA (22) MKAZI WA KABWE LILIGONGA KWA NYUMA GARI LENYE NAMBA ZA USAJILI T.746 CME AINA YA TOYOTA COASTER LILILOKUWA LIKIENDESHWA NA DEREVA ANDREW JOHN (40) MKAZI WA UYOLE NA KISHA KUGONGA GARI LENYE NAMBA ZA USAJILI T.925 BQW AINA YA TOYOTA COASTER LILILOKUWA LIKIENDESHWA NA DEREVA FELEX MWAKALINGA (32) MKAZI WA SOWETO NA KUSABABISHA KIFO CHA DEREVA WA GARI T.156 AZF AINA YA TOYOTA CRESTA. AJALI HIYO ILITOKEA MNAMO TAREHE 10.03.2014 MAJIRA YA SAA 05:45HRS ASUBUHI HUKO ENEO LA MWANJELWA, KATA YA RUANDA, TARAFA YA IYUNGA, JIJI NA MKOA WA MBEYA BARABARA YA MBEYA/NJOMBE. AIDHA KATIKA AJALI HIYO STELA VASCO (22) MKAZI WA SOWETO NA LEONARD TITO (21) MKAZI WA KABWE WALIOKUWA KWENYE GARI T.156 AZF TOYOTA CRESTA WALIPATA MAJERAHA NA WOTE WAMELAZWA HOSPITALI YA  RUFAA MBEYA. CHANZO CHA AJALI NI MWENDO KASI WA GARI T.156 AZF. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

JESHI LA POLISI MKOA WA MBEYA LINAWASHIKILIA WANAWAKE WAWILI   KWA TUHUMA ZA WIZI.

JESHI LA POLISI MKOA WA MBEYA LINAWASHIKILIA WANAWAKE WAWILI [02]  KWA MAHOJIANO ZAIDI KUHUSIANA NA TUHUMA ZA WIZI AMBAO NI 1.RUKIA RASHID [24] NA 2. JAMIRA ABDALAH [38] WOTE WAKAZI WA TUNDUMA WILAYA YA MOMBA. WATUHUMIWA HAO WALIINGIA KWENYE DUKA LA MFANYABIASHARA JANETH SIVANUS [28] WAKIWA WAMEVALIA NGUO MUUNDO WA HIJABU NA KUIBA VITAMBAA VYA SUTI AINA YA  POLISTER MAJOLA NANE [08] YENYE THAMANI YA  TSHS 2,400,000/=. KABLA YA  TUKIO HILO WATUHUMIWA HAO WALIANZA KUULIZIA BEI YA  BIDHAA HIZO NA KISHA MTUHUMIWA MMOJA ALIENDELEA KUMSEMESHA MUUZAJI WA DUKA AMBAYE ALIKUWA AKIENDELEA KUHUDUMIA WATEJA WENGINE WAKATI MTUHUMIWA WA PILI AKITEKELEZA TUKIO LA WIZI. TUKIO HILO LIMETOKEA TAREHE 10.03.2014 MAJIRA YA SAA 17:50HRS JIONI ENEO LA MWANJELWA KATA YA MANGA, TARAFA YA  IYUNGA, JIJINI MBEYA. AIDHA MARA BAADA YA  KUIBA VITAMBAA HIVYO NA KUONDOKA PASIPO MWENYE DUKA KUJUA, MAJIRANI  WALIMJULISHA MWENYE DUKA JUU YA  TUKIO HILO, JITIHADA ZILIFANYIKA ZA KUWAFUATILIA WATUHUMIWA HAO NA WALIKAMATWA KARIBU NA GUEST YA  MFIKEMO MTAA WA JUA KALI WAKIWA NA VITAMBAA HIVYO VYA SUTI HIVYO WALIRUDISHWA KATIKA DUKA HILO. KUFUATIA TUKIO HILO LILIJITOKEZA KUNDI LA WANANCHI WALIOTAKA KUJICHUKULIA SHERIA MKONONI WAKIWA NA SILAHA ZA JADI MAWE,FIMBO NA MARUNGU WENGINE WAKIWA NA MADUMU YA  MAFUTA AINA YA  PETROLI WALIFIKA ENEO HILO KWA NIA YA  KUWAPIGA KISHA KUWACHOMA MOTO WATUHUMIWA HAO  HATA HIVYO MWENYE DUKA JANETH SIVANUS ALITOA TAARIFA POLISI KUHUSIANA NA HALI HIYO HIVYO ASKARI WA JESHI LA POLISI WALIFIKA ENEO HILO ILI KURUDISHA AMANI IKIWA NI PAMOJA NA KUWAOKOA WATUHUMIWA. KATIKA JITIHADA HIZO JESHI LA POLISI LILILAZIMIKA KUTUMIA RISASI KWA KUFYATUA RISASI TANO [05] HEWANI ILI KUWATAWANYA WATU WALIOKUWA WAMEZINGIRA DUKA HILO NA KUFANIKIWA KUWAOKOA WATUHUMIWA HAO HIVYO KUWAFIKISHA SALAMA KITUO CHA POLISI KATI WAKIWA NA MALI WALIYOIBA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA  WITO KWA JAMII KUACHA TABIA YA  KUJICHUKULIA SHERIA MKONONI KWANI SIO TABIA NZURI NA  NI  KINYUME CHA SHERIA, BADALA YAKE WAHAKIKISHE WANAWAFIKISHA KATIKA MAMLAKA HUSIKA MTU/WATU WANAOWAKAMATA KWA TUHUMA MBALIMBALI ILI HATUA ZA KISHERIA DHIDI YAO ZICHUKULIWE. AIDHA ANATOA RAI KWA JAMII KUACHA TAMAA YA  UTAJIRI WA HARAKA KWA KUTUMIA NJIA ZA MKATO, KWANI HUWEZI KUPAMBANA NA UMASIKINI WA KIPATO KWA NJIA ZA MKATO BADALA YAKE WANANCHI WAFANYE KAZI HALALI KWA LENGO LA KUPATA KIPATO HALALI.

JESHI LA POLISI MKOA WA MBEYA LINAMSHIKILIA MWANAMKE MMOJA AKIWA NA POMBE HARAMU YA MOSHI [GONGO].

MWANAMKE MMOJA ALIYEFAHAMIKA KWA JINA LA ANASTAZIA KATIMA (32) MKAZI WA MAKONGOLOSI WILAYA YA CHUNYA ANASHIKILIWA NA JESHI LA POLISI MKOA WA MBEYA AKIWA NA POMBE HARAMU YA MOSHI [GONGO] UJAZO WA LITA TANO [05]. MTUHUMIWA ALIKAMATWA KATIKA MSAKO ULIOFANYWA NA JESHI LA POLISI MNAMO TAREHE 10.03.2014 MAJIRA YA SAA 10:00HRS ASUBUHI HUKO KATIKA KITONGOJI CHA MAJENGO, KIJIJI NA KATA YA MAKONGOLOSI, TARAFA YA KIPEMBAWE WILAYA YA  CHUNYA. MTUHUMIWA NI MUUZAJI WA POMBE HIYO, TARATIBU ZA KUWAFIKISHA MAHAKAMANI ZINAFANYIKA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUTUMIA POMBE HARAMU YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI.

JESHI LA POLISI MKOA WA MBEYA LINAWASHIKILIA WATU WAWILI WAKIWA NA MTAMBO WA KUTENGENEZEA POMBE HARAMU YA MOSHI [GONGO].

WATU WAWILI WALIOFAHAMIKA KWA MAJINA YA 1. EMANUEL AGUSTINO (24) NA 2. JILALA GWISU (25) WOTE WAKAZI WA KIJIJI CHA SAZA WANASHIKILIWA NA JESHI LA POLISI MKOA WA MBEYA WAKIWA NA MTAMBO MMOJA WA KUTENGENEZEA POMBE HARAMU YA MOSHI [GONGO]. WATUHUMIWA WALIKAMATWA KATIKA MSAKO ULIOFANYWA MNAMO TAREHE 10.03.2014 MAJIRA YA SAA 15:30HRS ALASIRI HUKO KATIKA KIJIJI NA KATA YA SAZA, TARAFA YA KWIMBA, WILAYA YA CHUNYA. TARATIBU ZA KUWAFIKISHA MAHAKAMANI ZIFANYIKA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUTOA TAARIFA ZA MTU/WATU WANAOJIHUSISHA NA UTENGENEZAJI NA UUZAJI WA POMBE HARAMU YA MOSHI ILI WAKAMATWE NA HATUA KALI ZA KISHERIA ZICHUKULIWE DHIDI YAO.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.