skip to main |
skip to sidebar
MESSI KUUCHUKUA UFALME WA SOKA DUNIANI KUTOKA KWA PELE?
MOJA
YA MADA AMBAZO HAZIJAWAHI KUPATA UFUMBUZI AU UKWELI AMBAO UMEMALIZA
UBISHI HUU NI ULE KATI YA ANYEFAHAMIKA KAMA MFALME WA SOKA ULIMWENGUNI
EDSON ERANTES DOS NASCIMENTO ALMAARUFU KAMA PELE NA MCHEZAJI BORA KULIKO
WOTE KUTOKA NCHINI ARGENTINA DIEGO ARMANDO MARADONA.
UBISHI
HUU UKO KWENYE SWALI HILI , NI NANI ALIYE MCHEZAJI BORA WA MUDA WOTE
KATI YA HAWA WAWILI. HAKUNA AMBAYE AMEWEZA KUTOA JAWABU KWA SWALI HILI.
PELE ALICHEZA SOKA WAKATI AMBAPO MCHEZO HUO ULIKUWA MGUMU SANA NA MOJA
YA VITU VINAVYO MPAMBANUA NA WATU WENGI NI UKWELI KWAMBA ALIFUNGA IDADI
KUBWA YA MABAO KULIKO MTU YOYOTE YULE , PELE ALIFUNGA MABAO ZAIDI YA
1000 NA KWA KIGEZO HIKI PELE ANAMZIDI MARADONA AMBAYE HAKUWA MFUNGAJI
HODARI KAMA ALIVYOKUWA PELE.
UKITAZAMA
MAFANIKIO PELE ALIKUWA NA MAFANIKIO KULIKO MWENZIE , PELE ALITWAA KOMBE
LA DUNIA MARA TATU TOFAUTI NA MARADONA AMBAYE AMETWAA TAJI HILO MARA
MOJA TU. WATU WALIOKUWA KARIBU NA PELE HUSUSANI WACHEZAJI WENZIE
WANASEMA KUWA GWIJI HUYU ALIKUWA MCHEZAJI ALIYEKAMILIKA KWA MAANA YA
KWAMBA ALIKUWA NA UWEZO WA KUCHEZA KWA KUTUMIA MIGUU YOTE MIWILI TOFAUTI
NA MARADONA ALIYEKUWA ANATUMIA MGUU WA KUSHOTO PEKEE NA PIA UKITAZAMA
MUDA AMBAO WATU HAWA WAWILI WALICHEZA UTAGUNDUA KUWA PELE ALICHEZA SOKA
KWA MUDA MREFU KULIKO MARADONA.
UBISHI
HUO UMEKUWEPO TANGU ENZI HIZO , KWA SASA KUNA UBISHI MWINGINE AMBAO NI
KATI YA LIONEL MESSI NA CRISTIANO RONALDO . RONALDO KIUKWELI NI MCHEZAJI
HODARI NA UWEZO WAKE UNAJIELEZA KWA KILA MTU LAKINI HAKUNA UBISHI KUWA
KWA SASA LIONEL MESSI HANA MPINZANI KWENYE ULIMWENGU WA SOKA.
USIKU
WA JANA AMBAPO KOCHA WA BARCELONA ALIKUWA AKIWEKA REKODI YA KUIFUNDISHA
TIMU YAKE KWA MARA YA 200 LIONEL MESSI KWA UPANDE WAKE ALIWEKA REKODI
YA KUIFUNGIA BARCELONA MABAO 200. MESSI
AMEKUWA AKIFUNGA KWA UHODARI WA AJABU KWENYE MICHUANO YOTE , WALA
HABAGUI NYAVU ZA KUCHEKA NAZO. KWA MSIMU HUU PEKE YAKE MESSI AMESHAFUNGA
MABAO 22 KWENYE MICHEZO 17 NA UKIZINGATIA KUWA MSIMU UMESALIA MICHEZO
40 KWENYE MICHUANO KAMA LA LIGA , LIGI YA MABINGWA , COPA DEL REY NA
MINGINE MINGI UTAONA KUWA MESSI YUKO MBIONI KUIFIKIA REKODI YA GWIJI WA
ZAMANI WA BARCA CAESER RODRIGUEZ BILA WASIWASI .
UKITAZAMA
MESSI ANAVYOFUNGA MABAO YAKE UTAGUNDUA KUWA HANA TATIZO KAMA LA
MARADONA LA KUTEGEMEA MGUU MMOJA WENYE NGUVU . KWANI ASILIMIA 32 YA
MABAO YAKE YOTE IMEFUNGWA KWA MGUU WA KULIA. UKWELI
KUWA KOMBE LA DUNIA HUCHEZWA KWA MIAKA MINNE MINNE KILA BAADA YA
KUCHEZWA MARA MOJA UNAMFANYA APATE TABU KUIFIKIA REKODI YA PELE YA
KUTWAA MAKOMBE YA DUNIA MATATU KWANI MESSI HAJATWAA HATA MARA MOJA
MICHUANO HII MIKUBWA KWENYE MCHEZO WA SOKA NA UKWELI MWINGINE MGUMU NI
PALE UNAPOWAZA KUWA MESSI HAPATI MSAADA KAMA ALIOKUWA ANAUPATA PELE TOKA
KWA WACHEZAJI WENZIE WA TIMU YA TAIFA .
UKIACHA
HAYO LIONEL MESSI ANAWEZA KUWA MCHEZAJI BORA KULIKO WOTE WALIOKO KWA
SASA KWANI AMETWAA MATAJI YOTE AKIWA NA KLABU YAKE YA BARCELONA NA PIA
AMEVUNJA REKODI KARIBIA ZOTE AMBAZO SI WENGI WANAWEZA HATA KUZIFIKIRIA .
HAYA YOTE AMEYATIMIZA AKIWA NA UMRI WA MIAKA 24 TU KWA HIYO HATA
AKIAMUA KUSTAAFU SASA AMETIMIZA KILA NDOTO YA MCHEZA SOKA .
UKITAZAMA
REKODI ZOTE ZILIZOWEKWA JANA , KAMA YA PEP GUARDIOLA KUIONGOZA BARCA
KWA MARA YA 200, MESSI KUFUNGA HAT-TRICK YA 14 , KIPA WA BARCELONA
VICTOR VALDEZ KUWEKA REKODI YA KUTOFUNGWA KWA MUDA MREFU NA HATA ILE YA
MABAO 500 KWA PEP TANGU AANZE KUFUNDISHA BARCA UTAGUNDUA KUWA MESSI
ANASAIDIWA NA TIMU YA WACHEZAJI WENYE UWEZO AMBAO KWA MUDA MREFU
HAUJAWAHI KUONEKANA KWENYE ULIMWENGU WA SOKA. WATU WENGI WAMESEMA KUWA
BARCELONA NDIO TIMU BORA YA MIAKA YOTE NA NA LA UHAKIKA ZAIDI NI UKWELI
KWAMBA LIONEL MESSI YU NJIANI KUWA MCHEZAJI BORA WA MIAKA YOTE.
No comments:
Post a Comment