Tetesi za Jumapili magazeti Ulaya kuhusu usajili

VAN PERSIE AREJESHWA HARAKA ENGLAND, WENGER ASEMA MSIMAMO ULE ULE HATA NYOTA WOTE WAONDOKE

CHELSEA YAMRUDIA MODRIC

KLABU ya Chelsea imerejea kwenye mbio za kuwania saini ya kiungo wa kimataifa wa Croatia, Luka Modric, na Mwenyekiti wa Spurs, Daniel Levy kwa sasa anashilia funguo za kabati kibao za fedha nyingi kwa ajili ya mauzo ya mchezaji huyo.

Habari kamili: Mail on Sunday 

Cesar Azpilicueta anatakiwa na Chelsea.

KIUNGO wa Chelsea, Frank Lampard, mwenye umri wa miaka 34, ameonyesha nia ya kubaki Stamford Bridge licha ya kutakiwa kwa dau nono na LA Galaxy na klabu nyingine China.

Habari kamili: The Sun 

BEKI wa kimataifa wa Hispania, anayechezea Marseille ya Ufaransa, Cesar Azpilicueta,   mwenye umri wa miaka 22, amerejea kwenye mipango ya uhamisho wa Chelsea, kutokana na harakati za Kocha Roberto Di Matteo kuendelea kusaka beki mpya wa pembeni.

Habari kamili: Metro 

NAHODHA wa Arsenal, Robin van Persie, mwenye umri wa miaka 29, amerejea England kufanya mazungumzo na kocha wake, Arsene Wenger baada ya kuibuka hofu kwamba anafanya mpango wa kujiunga na Real Madrid.

Habari kamili: Sunday Mirror 

KOCHA mpya wa klabu ya Liverpool, Brendan Rodgers hana mpango wa kumuuza kiungo wa kimataifa wa Wales, Craig Bellamy.

Habari kamili: Liverpool Echo 

KLABU ya Stoke City ipo karibu kumsajili beki wa Houston Dynamo, Geoff Cameron,  mwenye umri wa miaka 26, ambaye tayari ameichezea mechi tano Marekani.

Habari kamili: Stoke Sentinel 

MSHAMBULIAJI wa kimataifa wa Denmark, anayechezea wa AAB, mwenye umri wa miaka 21, Nicklas Helenius,   ambaye anawaniwa na Norwich, West Brom na Fulham, anaweza kupenda kuhamia Uholanzi au Ujerumani.

Habari kamili: talkSPORT 

MANCINI ATAKIWA URUSI

KOCHA Roberto Mancini amepewa ofa ya pauni Milioni 35 kuikochi Urusi, wakati mazungumzo yake ya mkataba mpya na klabu yake, Manchester City yakiendelea.

Habari kamili: Mail on Sunday 

Kocha wa Manchester City, Roberto Mancinianatakiwa na Urusi.

KOCHA Arsene Wenger amesema atabadilisha mfumo wake wa uendeshaji Arsenal - hata kama wachezaji wake nyota wataendelea kuondoka.

Habari kamili: The Sun 

KOCHA Vicente Del Bosque amemkaribisha kocha wa Liverpool, Brendan Rodgers katika kambi ya Hispania kubadilishana mawazo, kujadili mipango na falsafa.

Habari kamili: Sunday Mirror 

KIUNGO Joe Cole ametupilia mbali mpango wa kurejea katika klabu yake ya Liverpool na kuendelea kwenye klabu anayochezea sasa.

Habari kamili: talkSPORT 

BEKI wa Manchester City, Pablo Zabaleta amesema kwamba mchezaji mwenzake mtata, Mario Balotelli anaweza kuwa mmoja wa wachezaji bora duniani kama ataanza kutumia akili yake zaidi.

Habari kamili: Manchester Evening News