MWANAMKE NCHINI SUDAN AKABILIWA NA ADHABU YA KUPIGWA MAWE HADI KUFA.

Mwanamke mmoja nchini Sudan aliyepatikana na hatia ya kufanya uzinzi anakabiliwa na adhabu ya kupigwa mawe hadi kufa iwapo mamlaka za nchi hizo hazitampa rufaa dakika za mwisho.

Wanaharakati wamesema mwanamke huyo Laila Ibrahim Issa Jamool mwenye umri wa miaka 23 amekuwa chini ya ulinzi akiwa amefungiwa katika bomba chuma pamoja na mwanae mwenye umri wa miezi 6 baada ya kuhukumiwa na mahakama katika mji mkuu wa Khartoum mnamo Julai 10.

Mwezi uliopita rais Omar Hassan al-Bashir wa Sudan alisema nchi hiyo itaridhia kwa aslimia 100 Katiba ya Kiislam baada ya kutengana na taifa lisilo la kiislam la Sudan Kusini mwaka mmoja uliopita.

Mume wa mama huyo alimtuhumu mkewe kwa kufanya zinaa, ambapo ni kinyume kwa mujibu wa sheria za adhabu za Sudan za mwaka 1991.

Hukumu hiyo ya kifo kwa kupigwa mawe ni ya pili kupitishwa nchini Sudan kwa kosa kama hilo katika kipindi cha miezi michache iliyopita.