CRISTIANO DOS SANTOS AVEIRO RONALDO HUYOOO! OLD TRAFORD, WENYE PESA ZAO KUONGEA NAYE!!

Na Baraka Mpenja kwa msaada wa Sportsmail.com

Safari ya nyota wa soka duniani na klabu ya Real Madridi ya Hispania, Cristiano Dos Santos Ronaldo sasa safari yake  ya kurejea kwa mara nyingine tena katika dimba la Old Traford imeiva baada ya kutolewa kwa taarifa kuwa mshambuliaji huyo mwenye thamani kubwa zaidi duniani anatarajia kukutana na maofisa wa Manchester United siku tatu zijazo ili kujadili suala lake la uhamisho.

Nyota huyo wa Real Madrid amekuwa akihusishwa kurudi nchini England baada ya kutokea hali ya kutokuwa na furaha Bernabeu, lakini klabu hiyo ikajenga imani kuwa Ronaldo angeendelea kukaa Hispania baada ya miamba hiyo kumpata kocha mpya Carlo Ancelotti ambaye angemshawishi mkubaikia.

Gazeti za Hispania la El Pais limeripoti kuwa nahodha huyo wa timu ya taifa ya Ureno atakutana  na maofisa wa United kabla ya kuanza mazoezi ya kujiandaa na msimu mpya wa ligi kuu nchini Hispania na klabu yake ya Reala Madarid.

Kanuni za shirikisho la soka Duniani FIFA zinakataza timu kufanya mazungumzo na mchezaji mwenye mkataba na klabu nyingine, lakini klabu hizo zinashauriana kuzungumza, hivyo kumuongeza matumaini  kocha mpya wa United David Moyes kumsajili nyota huyo.

Lakini kwa upande wa kocha Ancelotti alisema katika mazungumzo yake na waandishi wa habari wakati wa kutambulishwa rasmi kuwa “Ronaldo ni mchezaji mkubwa zaidi kuwahi kutokea, naona heshima kubwa akufanya naye kazi”.

kocha huyo aliongeza kuwa aliwafundisha Zidane, Ronaldo De Lima, Ronaldinho, na anafurahi kumuongeza mreno huyu”.

Dili la uhamisho: Kama United watamshawishi Ronaldo kurudi Old Traford, hakika itakuwa uhamisho mkubwa wa dirisha la usajili barani Ulaya.

Ancelotti alipoulizwa kuhusu suala la kumnasa Radamel Falcao ambaye amesaini Monaco, Anceloti alisema ni mchezaji mzuri sana, lakini ana wachezaji wakubwa zaidi akiwemo Ronaldo, Higuain na Benzema.
Siku za hivi karibuni kocha mstaafu wa Manchester United Sir Alex Ferguson amekuwa akimhitaji Ronaldo kurejea Old Traford ili aisaidie zaidi timu yake iliyomptaia jina katika ulimwengu wa soka.
  Wakati taarifa za Ronaldo kutimkia United zikizidi kushika kasi, tayari Rais wa Real Madrid alishasema kuwa nyota huyo mwenye thamani ya pauni milioni 80 kwa sasa atasaini mktaba mpya, lakini Ronaldo alikanusha suala hilo kupitia mtandao wa kijamii.

Bado anapenda sana: Ronaldo hakushangilia baada ya kufunga bao katika mchezo wa ligi ya mabingwa barani Ulaya dhidi ya United na kuonesha kuwa bado ana mapenzi makubwa na klabu hiyo

Ronaldo alikuwa nchini Indonesia na Rais President Susilo Bambang Yudhoyono kupanda miti

Bado anahitaji sana: Carlo Ancelotti anavutiwa kumfundisha Ronaldo SOURCE FULLSHANGWE BLOG