CCM YASOGEZA MBELE UZINDUZI KALENGA

CHAMA cha Mapinduzi (CCM) kimesogeza mbele uzinduzi rasmi wa kampeni katika uchaguzi mdogo wa Jimbo la Kalenga hadi tarehe nyingine.

CCM walikuwa wafanye uzinduzi huo leo, lakini kwa mujibu wa taarifa za ndani za chama hicho, uzinduzi huo utafanyika baadaye ingawa mkutano wa kawaida wa kampeni jimboni humo utaendelea katika Kijiji cha Mseke wilayani Iringa.

Kwanza Jamii Radio ilikuwa imejipanga kuwaletea dondoo za yanayoendelea kwenye uzinduzi, lakini tunapenda kuchukua nafasi hii kuwataka radhi wasikilizaji wetu kwamba, tutafanya hivyo watakapokuwa wanazindua.

Chama cha Demokrasia na Maendeleo (CHADEMA) tayari kimekwishazindua kampeni zake jimboni humo kuanzia jana Jumamosi ingawa mvua kubwa iliyonyesha mapema kabla ya mkutano iliathiri mahudhurio ya wananchi kwenye mkutano huo ambapo mgeni rasmi alikuwa Katibu Mkuu wake Dk. Wilbrod Slaa aliyeongozana na wabunge wa viti maalum Suzan Kiwanga, Pauline Gekulu, Rebecca Mngodo, na Chiku Afla Abwao pamoja na viongozi wengine waandamizi kama Wilfred Lwakatare, Kigaila Benson, Mwita Mwikwabe Waitara na wengineo