UN: Watu milioni 3.7 wanahitajia chakula S. Kusini

Umoja wa Mataifa umesema kuwa karibu watu milioni 4 wanahitajia msaada wa chakula nchini Sudan Kusini kutokana na mgogoro wa nchi hiyo. 

Toby Lanzer mratibu wa masuala ya kibinadamu wa Umoja wa Mataifa nchini Sudan Kusini amesema dola bilioni 1.3 zinahitajika kwa ajili ya kushughulikia mgogoro huo. Lanzer pia amesema, mapigano ya nchi hiyo pia yameathiri uchumi na kwamba raia wengi wa Sudan Kusini wanaishi kwa wasiwasi.

Maelfu ya watu wakiwemo wafanyakazi wa utoaji misaada na wagonjwa wamelazimika kukimbia nchini humo kutokana na mapigano kati ya vikosi serikali na waasi watiifu kwa makamu wa rais wa zamani Riek Machar. 

Mapigano hayo yameripotiwa kuendelea ijapokuwa makubaliano ya usitishwaji mapigano yamefikiwa kati ya pande hizo mbili.

Chanzo: kiswahili.irib.ir