TETESI ZA SOKA ULAYA- DIRISHA DOGO LA USAJILI

Kiungo wa Barcelona Sergio Busquets, 26 anajiandaa kuanza mazungumzo ya mkataba mpya licha ya Arsenal, Chelsea, Manchester City na Manchester United kumtaka (Daily Star), Arsenal wanatarajiwa kukamilisha uhamisho wa beki wa kati kutoka Brazil Gabriel Paulista, 24 kutoka Villareal siku ya Jumatatu kwa mkataba wa takriban pauni milioni 13.5. Mshabuliaji wa Gunners Joel Campbell atajiunga na Villarreal katika mkataba huo kwa mkopo (Daily Telegraph) meneja wa West Ham Sam Alardyce anajaribu kufanikisha uhamisho wa kiungo wa Manchester United Darren Fletcher, 

30 kabla ya kufungwa kwa dirisha la uhamisho (Goal), West Brom wanakaribia kukamilisha uhamisho wa pauni milioni 4.5 wa winga wa Wigan Callum McManaman, 23 (Daily Mirror) meneja wa Cardiff City Russell Slade amesema mshambuliaji Kenwyne Jones hatoondoka (Wales Online), Chelsea wanatafakari wafanye nini baada ya dau la kumtaka winga wa Fiorentina Juan Cuadrado, 26 na Douglas Costa, 24 wa Shakhtar Donetsk kukataliwa (Goal), Tottenham wanafikiria kutoa pauni milioni 5 kwa ajili ya mshambuliaji wa Burnley Danny Ings, 22 huku Chelsea na Manchester City wakimfuatilia kwa karibu (Daily Mirror), winga wa Manchester United Nani, 28, bado anaamini 



hatma yake iko Old Trafford licha ya kuruhusiwa kusalia Sporting Lisbon kwa mkopo hadi mwisho wa msimu (Daily Mail), meneja wa Chelsea Jose Mourinho ana wasiwasi ukosefu wa nguvu katika kikosi chake huenda ukateteresha mbio za kuwania ubingwa wa ligi kuu (The Independent). Tetesi nyingine kesho tukijaaliwa. Cheers!