TIMU YA MALINDI ZANZIBAR YASUSA LIGI DARAJA LA KWANZA ZANZIBAR

Na Hamad Hija-Maelezo Zanzibar

WAKATI kindumbwe ndumbwe cha ligi darala la kwanza Taifa kiliendelea tena leo timu ya malindi ya Zanzibar iliendeleza na azma yake ya kususia ligi daraja la kwanza taifa baada yakutoonekana katika viwanja vya Ngome vya Fuoni mjini hapa kwa ajili ya mchezo wa ligi hiyo kati ya Malindi na sharp boys

Kutokufika kwa timu hiyo kongwe ya Malindi kucheza ligi hiyo ya daraja la kwanza katika kiwanja cha Ngome cha Fuoni nje kidogo ya mji wa Zanzibar kunatokana na madai kadhaa ambayo timu hiyo iliyowika miaka ya nyuma kabla haijateremka daraja

Timu hiyo nguli ya Malindi ya Zanzibar inadai kwamba ligi ndogo ya soka ya Zanzibar haikukamilika kwani imechezwa kwa mkondo mmoja jambo ambalo ni kinyume.

Kufuatia kitendo cha timu ya Malindi kutokufika katika kiwanja cha Ngome washabiki wa mpira wameelezea masikitiko yao kuwa kitendo hicho kilichofanywa na timu hiyo kubwa cha kuendelea kukacha kufika kiwanjani hapo si kitendo cha kiungwana.

Katika sakata hilo la kutokushuka dimbani kwa timu hiyo ya Malindi shabiki mmoja alisikika akisema kuwa timu ya malindi ipo sawa sawa kwani ni kweli ligi iliyotakiwa kuchezwa mikondo miwili imechezwa mkondo mmoja jambo ambalo ni kunyume.

Mashabiki wa mpira wa miguu walifikiria kwamba mgomo kwa timu ya Malindi umekwisha lakini hawakuamini macho yao kwa timu hiyo kutofika kiwanjani hapo kwa ajili ya kucheza ligi hiyo ambayo ngarambe zake zimeanza jana katika viwanja mbali mbali.

Mabingwa hao wa soka wa zamani wa Tanzania na Zanzibar katika mechi ya jana walikuwa wapambane na timu ya sharpboys ya Nungwi lakini kwa mshangao wa wengi timu hiyo haikutokea kwa ajili ya mechi hiyo ya ligi daraja la kwanza taifa

Hata hivyo hayo yakiendelea ya sakata la Malindi kutokushuka kiwanjani timu ya Mtende Rangers ilifanikiwa kuifunga timu ya Kijichi Stars kwa 1-0 katika kinja cha Dimani

Bao hilo pekee lilowapatia alama tatu timu ya Kijichi stars lilifungwa na Ubwa Abdul Omar na hivyo kuifanya timu hiyo kufikisha alama tisa.

Ligi hiyo inaendelea tena leo kati ya timu ya Black Sailor watakao kipiga na timu ya kikosil cha jeshi la valantia KVZ wakati timu ya Ngome ya Fuoni itapepetana na timu ya JKU katika kiwanja cha Ngome chaFuoni.