Wanandugu wamuua shemeji yao Arusha

Mahmoud Ahmad,Arusha

………………………………………….
Jeshi la polisi mkoa wa Arusha,linawashikilia wanandugu wawili kwa kosa kumpiga na kumsababishia kifo mtu mmoja aliyekuwa na mahusiano ya kimapenzi mtoto wa mmoja ya watuhumiwa hao.

Kwa mujibu wa kaimu kamanda wa polisi mkoani,Arusha Akili Mpwapwa,amewataja watuhumiwa kuwa ni Thomas Leseni(71) na Noel Thomas (60)wakazi wa Njani wilaya ya Arumeru.

Aidha alimtaja marehemu kwa jina la Pele Charles (30) mkazi wa Njani .Akizungumzia chanzo cha  tukio hilo alisema kuwa marehemu alikuwa na mahusiano na Mary Thomas ambaye ni mtoto wa Thomas Leseni na mara nyingi amekuwa akimpiga .

Mpwapwa alidai kuwa Marehemu alikuwa na tabia ya kumpiga binti huyo mara kwa mara na ndipo siku hiyo watuhumiwa walipopata taarifa na kumfuata marehemu huyo na kuanza kumpiga kwa fimbo maeneo mbalimbali ya mwili wake na kusababisha kifo chake.

Marehemu alifariki dunia baada ya kufikishwa katika hospitali ya west Meru iliyopo Tengeru wilayani Arumeru baada ya kuvuja damu nyingi