LUIS SUAREZ AANZA KUPIGA MZIGO KWA DAKIKA 15 BARCELONA IKIICHARAZA FC LEON 6-0 CAMP NO

Kaonja ladha ya Camp Nou: Suarez aliingia akitokea benchi katika dakika ya 75 na kucheza mechi yake ya kwanza Barcelona. 

Bado ana miezi miwili zaidi ili kuanza rasmi kucheza, lakini Luis Suarez tayari ameonja kelele za Camp Nou zikishangilia jina lake.

Sasa anaanza wakati mgumu wa kuwatazama wachezaji wenzake mpaka Oktoba 25 mwaka huu.

 

Hatimaye mshambuliaji huyo wa zamani wa Liverpool ametambulishwa kwa mashabiki wa Barcelona jumatatu usiku kabla ya Barca kuibuka na ushindi wa mabao 6-0 dhidi ya FC Leon, wiki tano baada ya kujiunga na klabu, na siku nne baada ya kifungo cha FIFA cha kutojihusisha na shughuli zote za michezo kuondolewa.

Saa moja kabla ya kuanza kwa mechi ya mwisho ya maandalizi ya msimu kwa Barcelona, uwanja haukufurika sana, lakini kulikuwa na shangwe za kutosha na jina lake liliimbwa akiwa amevalia jezi namba 9.

Muda ukawadia! Akimpa tano kinda Rafinha na kuchukua nafasi yake.

Namba yako hii baba!: Luis Suarez alitokea benchi akivalia jezi namba 9 

Akaanza mambo: Mshambuliaji wa zamani wa Liverpool hakucheza sana mpira katika mechi yake ya utambulisho

 Lionel Messi akichuana na mabeki wa Leon FC

Lionel Messi alifungua karamu ya mabao ya Barcelona akifunga bao la kuongoza katika dakika ya tatu ya mchezo

Hakuna mashaka: Lionel Messi akishangilia bao lake na  Neymar baada ya Brazil huyo kutoa pasi ya goli hilo.

Kijana kutoka Brazil: Neymar alionekana kuimarika baada ya kuifungia bao la pili Barcelona katika kipindi cha kwanza.