MKIRIKITI“MADIWANI ,MAAFISA TARAFA, WATENDAJI WA KATA NA WATENDAJI ACHENI KUWASINGIZIA WANASIASA WAMEWAZUIA WAZAZI KUCHANGIA CHAKULA MASHULENI”‏

Mkuu wa wilaya ya Songea Joseph Mkirikiti
_______________________

Na demasho.com

 Halmashauri ya Wilaya ya Songea Mkoani Ruvuma imefanya tahimini ya elimu ya na matokeo ya mtihani wa kuhitimu elimu ya msingi mwaka 2014 katika ukumbi wa EMAU Peremiho.

Katika tathimini hiyo mkuu wawilaya ya Songea Joseph Mkirikiti amewataka Madiwani ,Maafisa tarafa, Watendaji wa kata  na Watendaji wa Vijiji kuwapa elimu wazazi juu ya umuhimu wa kuchangia chakula cha kutosheleza muhula wa masomo ili kusaidia wanafunzi kufanya vizuri katika masomo

“ Kwani kufanya hivo kutasaidia wanafunzi kujifunza muda wote wawapo shuleni na kujenga ushirikiano baina yao wanapokuwa pamoja na hali hiyo iatainua kiwango cha ufaulu” alisema Mkirikiti.

Hata hivyo Mkirikiti amewataka Madiwani ,Maafisa tarafa, Watendaji wa kata  na Watendaji kuacha kusingizia wanasiasa kuwa wamezuia suala la kuchangia chakula

“ Tabia ya kuwasingizia wanasiasa kuwa wamezua kuchangia chakula mashuleni muache sio kila kitu kusingizia wanasiasa hivi ni kiongozi gani asiependa maendereo ?, maana saiz kila kitu wanasiasa wamezuia hasa kipindi hiki tunachoenda cha uchaguzi utasikia wanasiasa wamezuia ukiona mwanasiasa anazuia basi huyo ni SHIDAAA ”Alisema Mkirikiti.

Mkurugenzi wa Halmashauri ya Songea vijijini - Sigsibert Valentine akitoa hoja katika tathimini ya elimu kwa Halmashauri yake ya Songea Vijini.

--------------------

Naye Kaimu Afisa elimu wilya Bw. Tanu Kameka ameomba baada ya Tathimini hiyo wakutane na waratibu wakata, wazazi , walimu pamoja na watendaje ili uongezwe muda wa ziada wa ufundishaji ili kuweza kuleta mwamko wa elimu katika halmashauri hiyo ya Songea vijijini na kuleta ufaulu mzuri.

“ Miaka yote tumekuwa tukifanya hivo na ndiyo maana tukawa tunaongoza katika matokeo , ila kwa mwaka jana hatukuweza kusimamia hili swala la muda wa ziada ndiyo maana tumeshuka ila kwa mwaka huu tunalirudisha swala la muda wa ziada hivyo tutafanya vizuri katika matokeo” Alisema Bw. Kameka.

Madiwani ,Maafisa tarafa, Watendaji wa kata wakifatilia kwa makini maazimio yanayotolewa ili kuinua elimu katika halmashauri ya Songea Vijijini.

------------------

Halmashauri ya Wilaya ya Songea Vijijini ina jumla ya shule 91,Katika matokeo ya mwaka jana yaliyotoka mwaka huu mwanafunzi SHAFII ISSA wa shule ya Msingi PERAMIHO amekuwa wa kwanza kiwilaya kwa wavulana kwa kupata wastani wa ufaulu alama 219 na msichana HOPE NDUNGURU wa shule ya msingi CHIPOLE amekuwa wa kwanza kiwilaya kwa kupata wastani wa ufauru wa alama 208.