PICHA::CCM WAENDELEA NA KAMPENI KALENGA

Katibu wa CCM Wilaya ya Mufindi, Miraji Mtaturu akimnadi mgombea ubunge kupitia chama hicho katika Uchaguzi Mdogo wa Kalenga, Godfrey Mgimwa

Mgombea ubunge jimbo la Kalenga kupitia CCM, Godfrey Mgimwa akiwasili katika kijiji cha Mgera hii leo

Akiwapokea baraka kutoka kwa wazee

Mwenyekiti wa CCM wilaya ya Iringa, Delfina Mtavilalo akimnadi

Sehemu ya umati uliojitokeza Kiwele

Hapa ni nderekondereko, kijiji cha Mfyome

Kila aliyeshiriki mkutano wake alitaka kusalimiana naye

Katibu wa CCM Wilaya ya Mufindi, Miraji Mtaturu akimnadi

Akishiriki kuonesha umahiri wa kucheza ngoma ya kihehe

Mpeni kura za Ndio

Akiwashukuru wapiga kura kwa kumsikiliza

Kisela, akisalimiana na kijana mwenzake

Mzee, nitatumia busara zenu katika kuwaletea maendeleo wananchi wa jimbo hili

Usikuvu kila alipokwenda

Hapa ni Lundamatwe

Viongozi wa CCM walikuwepo pia kumpa company

Tutakuschagua, ndivyo walivyokuwa wakisema 

Ni baada ya kuelewa sera zake

Umeeleweka bwana,

Nawashukuruni sana

Najua matatizo yanayoikabili kata hii; ni maji, umeme, barabara na mawasiliano, nipe kura nimalizie pale alipoishia Dk William Mgimwa

KATIBU wa Chama cha Mapinduzi (CCM) wilayani Mufindi, Miraji Mtaturu amewataka wananchi wa Jimbo la Kalenga kujua kiasi cha fedha anazolipwa Dk Wilbroad Slaa kila mwezi ili waoanishe na harakati zake anazodai zinalenga kupinga ufisadi.

Dk Slaa ni Katibu Mkuu wa Chama cha Demokrasia na Maendeleo (Chadema); yupo wilayani Iringa akiongoza kampeni za kumnadi Grace Tendega anayegombea ubunge katika jimbo hilo kupitia chama hicho.

Katika mikutano ya kumnadi mgombea wao Godfrey Mgimwa iliyofanyika katika vijiji vinne vya kata ya Kiwele jana, Mtaturu alisema Dk Slaa ndiye kiongozi wa chama cha siasa nchini anayelipwa fedha nyingi kuliko mwingine yoyote.

Alisema katika mazingira ambayo wanachama na baadhi ya viongozi watendaji wa Chadema wanatumia fedha zao za mifukoni kujenga chama hicho, Dk Slaa analipwa zaidi ya Sh Milioni 10.

“Muulizeni akija hapa ni kiasi gani analipwa kila mwezi; aliwekwa sharti la kulipwa kiwango kinachofanana na kile wanacholipwa wabunge kama sharti la kukubali kugombea urais badala ya ubunge katika Uchaguzi Mkuu uliopita,” alisema.

Alisema mtu anaweka masharti na kutanguliza maslai yake mbele katika kazi ya kuwatumikia wananchi hafai kuwa kiongozi na ni muhimu kuwa makini na kauli zake.

Katika mikutano iliyofanyika katika vijiji vya Mgera, Kiwele, Mfyome na Kitapilimwa, Mtaturu aliwaomba wananchi wa jimbo la Kalenga kutofanya makosa katika uchaguzi huo.

“Kazi anayokwenda kumalizia Godfrey Mgimwa ilikwishaanza kufanywa na marehemu Dk William Mgimwa; mpeni kura zenu zote ili akamalizie utekelezaji wa Ilani ya CCM,” alisema.

Akijinadi kwa wapiga kura wa kata hiyo, Mgimwa alisema “sijagombea nafasi hii ili niharibu kazi inayoendelea kufanywa na chama changu, sikugombea ili kupotosha ukweli wa yale yote yanayoendelea kufanywa, ninagombea kwasababu nataka kumalizia kazi,” alisema.

Alisema akiwa mbunge katika jimbo hilo atahakikisha kwa kushirikiana na wapiga kura wake anamalizia utekelezaji wa ahadi mbalimbali za maendeleo zilizotolewa na CCM kupitia Ilani yake ya 2010 na zile zilizoachwa na marehemu baba yake.

“Najua katika kata hii kuna changamoto zinazoendelea kupatiwa ufumbuzi; nipeni nafasi nikazishughulikie,” alisema na kuzitaja changamoto hizo zikihusisha sekta ya maji, afya, barabara, pembejeo, elimu na mawasiliano.

Mwenyekiti wa CCM Wilaya ya Iringa, Delfina Mtavilalo alisema katika uchaguzi huo Chadema itashika nafasi ya pili kama inavyojidhihirisha kupitia salamu yao.

“Vidole viwili havina maana nyingine zaidi ya namba mbili na ndio maana kila wanapopita wanaonesha wao ni namba mbili kwa kuonesha ishara ya vidole hivyo,” alisema.

Katibu wa CCM Mkoa wa Iringa, Hassan Mtenga alisema wananchi wa Kalenga watakosea kama watampa ubunge mtu ambaye hawajui watampata wapi.

Alisema CCM inawajibika kwa wananchi na ndio maana ina mfumo wa uongozi kutoka ngazi ya tawi hadi taifa tofauti na Chadema.

Akiahidi kutoa zawadi ya fedha kwa wananchi wa kata ya Kiwele kama watamtajia safu ya viongozi wa chama hicho katika jimbo hilo, Mtenga alisema bado hakiaminiki na ndio maana kinakosa viongozi katika nafasi zake mbalimbali.

“Ulizeni kama kina viongozi wa kuchaguliwa kwenye kata zake na kama kinna uongozi wa wilaya uliokamilika,” alisema.Na FransisGodwi