CCM MERU YAVUNA WANACHAMA WAPYA 150, AKIWEMO MWENYEKITI WA CHADEMA

Aliyekuwa  mwewnyekiti wa Chadema bw Nuru Maeda
akirudisha kadi ya chadema na kuchukua ya CCM  MBele ya katibu wa CCM
wilaya ya Meru bw Langaeli Akyoo
Picha, Habari na Gladness Mushi wa Fullshangwe- Arusha

Wakati chama cha Demokrasia na Maendeleo(CHADEMA) kikiwa kinaendelea
na Oparesheni ya Vua Gamba vaa Gwanda ikiwa inaendelea chama cha
mapinduzi (CCM)kimefanikiwa kuvuna wanachama wapya  150 kutoka Chadema
ndani ya Eneo la Magadirisho Wilyani Meru Mkoani hapa akiwemo
Mwenyekiti wa Tawi la Magadirisho, Bw Nuru Maeda.

Hayo yamebainishwa na Katibu wa CCM wilaya ya Meru bw Langaeli Akyoo
wakati wa kuwapokea wanachama wapya akiwemo mwenyekiti huyo sanjari na
kufungua ofisi mpya ya tawi hilo mapema jana.

Aidha bw Akyoo alisema kuwa wamefanikiwa kupata wanachama hao wapya
150 kwa kipindi cha wiki mbili ambapo wanachama hao hapo awali
walikuwa ndani ya chama cha Chadema na hivyo kurudi katika chama
Tawala

Alifafanua kuwa mbali na kuweza kuvuna wanachama wapya 150 kutoka
Chadema pia wamedhamiria kufanya mabadiliko mbalimbali ambapo
mabadiliko hayo yataweza kuchochea kwa kiwango kikubwa Mabadiliko hata
ndani ya Mashina,Kata,na hatimaye kwa Wilaya nzima