VODACOM YATUMA RAMBIRAMBI ZANZIBAR

Kampuni ya simu za mkononi ya Vodacom Tanzania, imetuma salamu za rambirambi kwa Watanzania, hususani Wazanzibari kufuatia ajali ya meli ya MV Skagit iliyotokea jana katika kisiwa cha Chumbe, ambapo watu zaidi ya 100 wanahofiwa kufaraiki dunia.

Akitoa salamu hizo kwa niaba ya kampuni yake, Ofisa Mkuu wa Masoko na Uhusiano, Mwamvita Makamba (pichani), alisema kuwa kampuni yake inaungana na Watanzania wote katika kuwapa pole wafiwa na kuwaombea wale wote waliojeruhiwa kupata nafuu haraka na kuwaombea kwa Mungu waliopoteza maisha katika ajali hiyo.

"Sala na pole zetu ziwaendee wale wote walioathirika na ajali hii," alisema.

Pia amewaomba wadau wa masuala ya dijitali kutoa taarifa kwa wingi kwa njia ya mtandao ili kuwafikia watu wengi zaidi