BINGWA WA ZAMANI WA NGUMI MUHAMMAD ALI ATUNUKIWA MEDALI YA UHURU

Mohammad Ali.

 Bingwa wa Dunia wa zamani wa mchezo wa ngumi wa Marekani Muhammad Ali, ametunukiwa medali ya uhuru mjini Philadelphia.

Muhammad Ali amekabidhiwa tuzo hiyo katika hafla iliyofanyika katika kituo cha taifa cha katiba.

Tuzo hiyo inatambua mchango wa muda mrefu wa Muhammad Ali kama mpiganaji nje ya viwanja vya kupigana ndondi kwa ajili ya binaadamu, haki za kiraia na uhuru wa dini.

Bondia huyo ambaye kwa sasa afya yake imedhoofika, hakuongea, lakini alisaidiwa kusimama na kupokea medali hiyo kutoka kwa binti yake Laila.

Mkewe Lonnie alisema Ali amefarijika kwa kutambuliwa kama mnara wa taa ya uhuru.

Tangu kustaafu kupigana ngumi mwaka 1981, Ali ametembelea sehemu mbalimbali duniani kwa kazi za misaada ya kiutu na ametumia muda wake mwingi katika kazi za kijamii.

Aidha watu wengine waliyowahi kupata tuzo hiyo ni pamoja na rais rais mstaafu wa Afrika Kusini Nelson Mandela na Jimmy Carter wa Marekani.