UJANGILI WAENDELEA KUTIKISA : MENO YA TEMBO YANASWA MOROGORO

Jeshi la polisi mkoani Morogoro kwa kushirikiana na maafisa wa hifadhi ya taifa ya wanyamapori  Tanzania TANAPA kutoka  hifadhi ya milima ya udzungwa  linawashikilia VIJANA wawili   kutokana na tuhuma za  kupatikana  na vipande vya meno ya tembo  vyenye Thamani ya zaidi  shilingi milioni  39.

Meno hayo  yenye uzito wa kg 45.5 yamekamatwa  na jeshi la polisi  katika eneo la mikumi yakiwa yamepakiwa kwenye gari aina ya MISTUBISH FUSO yenye namba T199 AQP ambayo yalikuwa yamechanganywa  kwenye mzigo wa magunia ya mchele  katika harakati za safirishwa  kutoka Ifakara  kuelekea jijini Dar es salaam.

Kamanda wa polisi mkoa wa Morogoro Bw Faustine Shilogile amesema watuhumiwa  hao ambao majina yao yamehifadhiwa kwa ajili ya uchunguzi   walikamatwa na vipande hivyo usiku wa agosti kumi na tano  eneo la Zombo wilayani Kilosa wakati wakiwa wamepakia vipande hivyo  katika harakati za kuvisafirisha kuelekea jijini Dar-es-salaam.

Kwa upande wake mkuu wa hifadhi ya Taifa  ya Udzungwa Bwana Nitalis  uruka  amesema  kumekuwepo namatukio ya mara kwa  mara ya kukamatwa kwa meno ya tembo katika hifadhi hiyo hivyo kunahitajika jitihada za makusudi kwa kuwashirikisha wananchi ili kudhibiti hali yo.

Naye  mkuu wa kikosi cha kuzuia ujangiri  kanda ya mashariki  inayohusisha mikoa ya Morogoro  Pwani  Dar e s salaam  na Lindi idara ya  wanyama pori na wizara ya maliasili  na utalii bwana  Faustine Masalu  amewasisitiza wananchi kukabikiana na vitendo hivyo ili kuhifadhi rasilimali kwa maslahi ya vizazi vijavyo .

Jamii imesititizwa kushirikiana na  jeshi hilo pamoja na maafisa wa hifadhi za wanyamapori kuwafichua watu wanaojihusisha na vitendo vya ujangili ili kukabiliana na changamoto hiyo ambayo inahatarisha usalama wa rasilimali za nchi.Chanzo Climate Change