Idadi ya watu waliouawa kwa mapigano nchini Libya yafikia 43

Majeruhi baada ya kushambuliwa kwenye mapigano njini Tripoli
Mapigano mapya yaliyozuka mjini Tripoli nchini Libya jana Jumamosi na kusababisha vifo kufuatia mashambuliano ya risasi baina ya waandamanaji na wanamgambo kwa sasa yameongezea idadi ya vifo na kufikia watu 43 huku serikali dhaifu ya baada ya mapinduzi ikitoa wito wa kukoma kwa mapigano hayZaidi ya watu 450 walijeruhiwa wakati wa maandamano ya Ijumaa yaliyosababisha mapigano kwenye mji mkuu kati ya wanamgambo ambayo yaliendelea usiku kucha, Waziri wa Sheria Salah al-Marghani amesema.Waziri Mkuu Ali Zeidan, ambaye alitekwa nyara kwa muda mfupi na wanamgambo mwezi uliopita katika tukio ambalo lilidhihirisha kuwepo kwa usalama mdogo,ametoa wito wa kusitisha mapigano hayo akionya kuwa saa na siku zijazo zitaamua kuhusu Mustakabali wa historia ya Libya .

Kufuatia vurugu hizo,jana usiku mamlaka za mitaa mjini Tripoli alitangaza siku tatu za mgomo katika sekta zote za umma na binafsi mgomo unaoanza leo Jumapili katika kukabiliana na vurugu.

Nchi ya Libya imeshuhudia kuongezeka kwa machafuko wakati waasi wa zamani ambao walisaidia kuipindua serikali ya muda mrefu ya marehemu Kanali Moamer Kadhafi mwaka 2011 wameyadhihaki mtakwa ya serikali kuwataka waweke silaha chini.

Via kiswahili.rfi.fr