TAARIFA YA JESHI LA POLISI MKOA WA MBEYA KWA VYOMBO VYA HABARI

WILAYA YA MBEYA VIJIJINI – AJALI YA MOTO.
MNAMO TAREHE 09.11.2013 MAJIRA YA SAA 21:00HRS HUKO MLIMA RELI, KATA YA  NSALAGA, TARAFA YA  UTENGULE –USONGWE, WILAYA YA  MBEYA VIJIJINI MKOA WA MBEYA, FROLA D/O KYENGE, MIAKA 33, KYUSA, MHUDUMU WA BAR ,MKAZI WA MLIMA RELI ALITOA TAARIFA YA KUUNGUA MOTO NYUMBA ANAYOISHI NA KUTEKETEZA MALI ZOTE ZILIZOKUWA NDANI YA  NYUMBA HIYO. NYUMBA ILIKUWA NA VYUMBA VITANO WANAVYOISHI WAPANGAJI WATANO TOFAUTI, IMEJENGWA KWA MATOFALI YA KUCHOMA NA KUEZEKWA BATI MALI YA  JOHN S/O PONDAMALI MKAZI WA DSM. CHANZO KINACHUNGUZWA. THAMANI HALISI YA MALI ILIYOTEKETEA BADO KUFAHAMIKA NA HAKUNA MADHARA YA KIBINADAMU YALIYORIPOTIWA KUTOKEA, UPELELEZI WA TUKIO HILI UNAENDELEA.

WILAYA YA MBOZI – WIZI WA MIFUGO.

MNAMO TAREHE 08.11.2013 MAJIRA YA  SAA 23:30HRS HUKO KATIKA KIJIJI CHA BARA, KATA YA  BARA, TARAFA YA  IGAMBA WILAYA YA  MBOZI MKOA WA MBEYA. SIMITON S/O KABURU, MIAKA 36, MNYIHA, MKULIMA MKAZI WA KIJIJI CHA BARA ALIGUNDUA KUIBWA KWA MIFUGO[NG’OMBE] WAKE KUMI NA TATU[13] WENYE THAMANI YA  TSHS 6,000,000/= NA MTU/WATU WASIOFAHAMIKA. MBINU NI KUVUNJA ZIZI. KAMANDA WA POLISI  MKOA WA MBEYA  KAMISHNA MSAIDIZI WA POLISI DIWANI ATHUMANI  ANATOA  WITO KWA YEYOTE MWENYE TAARIFA JUU YA  MAHALI ALIPO MTU/WATU WALIOHUSIKA NA TUKIO HILI PAMOJA NA  NG’OMBE WALIOIBWA ATOE TAARIFA KATIKA MAMLAKA HUSIKA ILI HATUA ZA KISHERIA ZICHUKULIWE MARA MOJA.

WILAYA YA CHUNYA – AJALI YA GARI KUPINDUKA NA KUSABABISHA KIFO.

MNAMO TAREHE 09.11.2013 MAJIRA YA  SAA 18:30HRS HUKO  KATIKA KIJIJI CHA CHALANGWA, KATA  YA  CHALANGWA,   TARAFA YA  KIWANJA  WILAYA YA  CHUNYA MKOA WA MBEYA. GARI T.672 ASF AINA YA  TOYOTA PRADO MALI YA  KAMPUNI YA  UJENZI YA  CHINESE  COMMUNICATION & CONSTRUCTION LTD LIKIENDESHWA NA DEREVA AZIZ S/O ABDALAH, MIAKA 30, MUHA, FUNDI MAGARI WA KAMPUNI HIYO, MKAZI WA CHALANGWA LILIPINDUKA NA KUSABABISHA KIFO CHA DEREVA HUYO PAPO HAPO. CHANZO NI MWENDO KASI. KAMANDA WA POLISI  MKOA WA MBEYA  KAMISHNA MSAIDIZI WA POLISI DIWANI ATHUMANI  ANATOA  WITO KWA MADEREVA KUWA MAKINI KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

Signed by:

[DIWANI ATHUMANI- ACP]

KAMANDA WA POLISI MKOA WA MBEYA.