WAZIRI NCHIMBI AFUNGA MAFUNZO YA KOZI YA KUZIMA MOTO WA NDEGE JIJINI DAR ES SALAAM

Wahitimu wa Jeshi wa Zimamoto na Uokoaji wa kozi ya kuzima moto wa ndege wakizima moto kwenye ndege bandia kabla ya mafunzo yao kufungwa na Waziri wa Mambo ya Ndani ya Nchi, Dk Emmanuel Nchimbi. Maofisa na Askari 21 wa jeshi hilo walihitimu mafunzo hayo na kukabidhiwa vyeti katika hafla iliyofanyika jijini Dar es Salaam leo. Picha na Wizara ya Mambo ya Ndani ya Nchi.

Waziri wa Mambo ya Ndani ya Nchi, Dk. Emmanuel Nchimbi akizungumza na wahitimu na wageni waalikwa kabla ya kufunga mafunzo ya kozi ya uzimaji moto wa ndege. Maofisa na Askari 21 walihitimu kozi hiyo na kutunukiwa vyeti katika sherehe fupi ya kufunga mafunzo hayo yaliyofanyika jijini Dar es Salaam leo. Kushoto ni Mkuu wa Jeshi la Zimamoto na Uokoaji nchini (CG), Pius Nyambacha. Kulia ni Meja Generali Kapwani, Mkuu wa Kamandi ya Jeshi la Anga. Picha na Wizara ya Mambo ya Ndani ya Nchi.

Waziri wa Mambo ya Ndani ya Nchi, Dk. Emmanuel Nchimbi akimkabidhi zawadi ya cheti mwanafunzi aliyefanya vizuri katika masomo darasani, Mohammed Shomari (kulia). Akizungumza baada ya kuwakabidhi vyeti wahitimu 21 wa Jeshi la Zimamoto na Uokoaji waliomaliza mafunzo ya kozi ya kuzima moto wa ndege, Waziri Nchimbi aliwataka wahitimu hao wawe wahadilifu katika kazi zao wakiiheshimu kazi. Kushoto ni Mkuu wa Jeshi la Zimamoto na Uokoaji nchini (CG), Pius Nyambacha. Tukio hilo lilifanyika jijini Dar es Salaam leo. Picha na Wizara ya Mambo ya Ndani ya Nchi.

Kikosi cha gwaride la wahitimu kikitoa heshima mbele ya mgeni rasmi (hayupo pichani) wakati wa sherehe yao ya kumaliza mafunzo ya kozi ya kuzima moto wa ndege kwa maofisa na askari 21 wa Jeshi la Zimamoto na Uokoaji waliohitimu kozi hiyo jijini Dar es Salaam leo. Waziri wa Mambo ya Ndani ya Nchi, Dk Emmanuel Nchimbi ambaye aliyafunga mafunzo ya kozi hiyo aliwataka wahitimu hao wawe wahadilifu katika kazi zao wakiiheshimu kazi. Picha na Wizara ya Mambo ya Ndani ya Nchi.

Mkuu wa Jeshi la Zimamoto na Uokoaji nchini (CG), Pius Nyambacha, akimshukuru Waziri wa Mambo ya Ndani ya Nchi, Dk. Emmanuel Nchimbi (kulia) kwa kukubali wito wao wa kuja kuyafunga mafunzo ya Maofisa na Askari 21 wa Jeshi la Zimamoto na Uokoaji waliohitimu mafunzo ya kozi ya kuzima moto wa ndege. Waziri Nchimbi katika hotuba yake aliwataka wahitimu hao wawe wahadilifu katika kazi zao wakiiheshimu kazi. Picha zote na Wizara ya Mambo ya Ndani ya Nchi.
KITENGO CHA MAWASILIANO YA SERIKALI, WIZARA YA MAMBO YA NDANI YA NCHI