DKT. SLAA NA MCHUNGAJI MSIGWA WANGURUMA WILAYANI MAKETE, WENGI WAJITOKEZA KUWASIKILIZA

 Umati wa wananchi wa makete wakimsikiliza Dkt Slaa wakati akiwahutubia katika mkutano wa hadhara uliofanyika viwanja vya mabehewani

Licha ya kunyesha mvua kubwa, lakini wananchi wa Makete waliendelea kuwasikiliza viongozi hao wa chadema wakihutubia

Helkopta waliyotua nayo viongozi hao wa CHADEMA

Katibu mkuu wa CHADEMA Taifa Dkt Wilbrod Slaa akiwasili viwanja vya mabehewani Makete

Dkt Slaa na viongozi wengine wa CHADEMA wakiingia kwenye helikopta yao tayari kuondoka kuelekea Mbeya

Katibu wa chama cha Demokrasia na Maendeleo (CHADEMA) Taifa mh. Dk.Wilbrod Slaa jana mchana amehutubia mamia ya wananchi katika mkutano wa hadhara uliofanyika katika viwanja vya mabehewani wilayani Makete mkoani Njombe

Akizungumza na wakazi wa wilaya ya Makete Dk.Slaa Katika kutekeleza Oparesheni M4C pamoja Daima katika eneo la Mabehewani Makete Mjini amewashukuru wananchi kwa ushiriki wao katika uandaaji wa Rasimu ya Katiba mpya kwa kadri ya uwezo wao

Katika oparesheni hiyo ambayo ilianza hapo jana kufanyika na viongozi mbalimbali wa chama hicho katika mkoa wa Ruvuma amesema kuwa mambo makuu ambayo yanazungumzwa ni Rasilimali zilizopo hapa nchini pamoja na mchakato wa Katiba mpya ambao unaendelea sasa hapa nchini

Katika Mkutano huo Slaa aliweza kuongozana na Mbunge wa Jimbo la Iringa mjini Mh. mchungaji Peter Msigwa ambaye alipata fursa ya kuzungumza na wanamakete ambapo amezungumzia kuhusu uhaba wa huduma za afya ikiwemo upungufu wa dawa, kushuka kwa kiwango cha elimu pamoja na sekta zingine

Hata hivyo wananchi walipozungumza na mwandishi wetu kwa nyakati tofauti kuhusu ujio wa Viongozi hao wa Chama wamesema kuwa hii inaleta changamoto kubwa kwa serikali katika kuchochea Maendeleo kwa wanajamii pamoja na kuongeza kukua kwa uchumi katika nchi yetu 

Viongozi hao wa chadema walielekea mkoani Mbeya kuendelea na ziara yao