Copa del Rey: Barcelona yaichapa Real Sociedad 2-0

Kuna kila sababu za Barcelona na Real Madrid zikakutana kwenye mchezo wa fainali ya Copa del Rey baada ya wasakata kabumbu hao wa jiji la Barcelona kuwachapa Real Sociedad waliokuwa pungufu mabao 2-0 katika mchezo wa kwanza wa nusu fainali ya Copa del Rey uliopigwa kwenye dimba la Nou Camp.

Katika mchezo huo, mlinzi Javier Mascherano alinusurika kuadhibiwa baada ya kumvuta jezi Carlos Vela muda mchache kabla Sergio Busquets hajaifungia Barca bao la kuongoza.

Badala yake mchezaji wa Sociedad Inigo Martinez alioneshwa kadi nyekundu kwa mchezo usiokuwa wa kiungwana.