Ligi kuu Tanzania bara nyasi kuwaka moto leo katika viwanja mbalimbali.

LIGI kuu Tanzania bara inaendelea leo kwa mechi kadhaa kupigwa viwanja mbalimbali nchini.

Kagera Sugar wanawakaribisha Polisi Morogoro katika uwanja wa CCM Kambarage, Shinyanga.

Kagera wanaingia kwenye mechi hiyo wakiwa na kumbukumbu nzuri ya ushindi wa goli 1-0 dhidi ya JKT Ruvu mwishoni mwa wiki iliyopita uwanja huo huo, wakati Polisi wao walifungwa 2-0 na Simba uwanja wa Jamhuri, Morogoro.

 

Mechi nyingine inawakutanisha Ndanda fc dhidi ya Coastal Union uwanja wa Nangwanda Sijaona, Mtwara.

Ndanda fc mwishoni mwa wiki iliyopita walitoka suluhu na Mtibwa Sugar uwanja wa nyumbani, wakati Coastal nao walitoka suluhu na Mbeya City fc uwanja wa Mkwakwani.

Mgambo JKT wanaikaribisha Mtibwa uwanja wa Mkwakwani Tanga.

Kesho Jumapili, Februari 22, Simba watakuwa ugenini CCM Kambarage kupepetana na Stand United, wakati Mbeya City fc wataikaribisha Yanga uwanja wa Sokoine.

Usiku Azam fc watashuka dimbani kuchuana na Tanzania Prisons