ATCL YATOA UFAFANUZI WA NDEGE YAKE KUSITISHA SAFARI

Mkurugenzi wa Oparesheni wa Shirika la Ndega Tanzania (ATCL) Captain Richard Shaidi (kulia) akiongea na waandishi wa habari ofisini kwake Dar es Salaam jana juu ya sababu zilizofanya ndege yao kushindwa kubeba abiria kutoka uwanja wa kimataifa ya Kilimanjaro baada ya kupata ufa kwenye kiio cha mbele. Kushoto ni Mkurugenzi wa Kiufundi Engineer Patric Itule. Picha na mwandishi wetu.

Na Mwandishi wetu 

Ndege la Shirika la Ndege la Tanzania (ATCL) jana lilipataufa kwenye kioo cha mbele kwenye chumba cha Marubani na kushindwa kubeba abiria kwa sababu ya kiusalama.

Akiongea na waandishi wa habari jijini Dar es Salaam jana, Mkurugenzi wa Oparesheni, Captain Richard Shaidi, alisema ufa huo uliegundulika baada ya kutua kwenye Uwanja wa Ndege wa Kimataifa, Kilimanjaro na kulazimika kukatisha safari yake ya kuelekea Mwanza na kisha kurudi Dar Es Salaam.

Capt. Shaidi alisema ndege hiyo yenye namba za usajili 4L AJB aina ya Boeing 737 – 500 isingebeba abiria kutokana na sababu za kiufundi na kiusalama, ambapo ndege imerejea Dar Es Salaam bila abiria kwa ajili ya matengenezo, kufuatana na kanuni za usalama wa Anga za kimataifa.  

“Shirika linasikitishwa sana kwa usumbufu uliojitokeza na uliotokea kwa abiria wake. Pamoja na tatizo hili, Shirika limefanya utaratibu wa kuhakikisha kuwa abiria wanaendelea na safari zao kwa kuwasafirisha kwa kutumia huduma ya ndege za mashirika mengine ya hapa nchini,” alisema Capt. Shaidi. 

Alisema matengenezo yanatarajiwa kukamilika leo jioni na kuanza safari zake kama kawaida kesho nakuongeza kuwa wateja wanaombwa kuwasiliana na ofisi zao au wakala wa shirika hilo.

SOURCE FULLSHANGWE