MAJAMBAZI YANAYOTEKA MAGARI BARABARANI YATIWA MBARONI ARUSHA

Kamanda wa Polisi Mkoa wa Arusha Liberatus Sabas akionyesha baadhi ya simu walizokutwa nazo majambazi hao

Simu walizokutwa nazo majambaz hao ikiwa ni sehemu ya vitu walivyokamatwa navyo

MAJAMBAZI YANAYOTEKA MAGARI BARABARANI YATIWA MBARONI

Iddi Uwessu-Arusha yetu blog 

Jeshi la polisi Mkoani Arusha limefanikiwa kuwatia mbaroni watu sita watuhumiwa wa ujambazi,ambao inasadikiwa wamekuwa wakijihusisha na matukio ya utekaji wa magari na uporaji wa mali za abiria katika mikoa ya Mwanza, Dar es Salaam na Arusha

Operesheni kali maarufu kama safishasafisha iliyoanzishwa na jeshi la polisi mkoani Arusha kuanzia Juni 6 mwaka huu,ndiyo imefanikiwa kuwanasa watuhumiwa hao kutoka mikoa ya Mwanza,Arusha,Mara na Dar es Salaam,wakiwa na lundo la simu za mkononi ambazo zimeporwa kutoka kwa raia katika magari waliyoyateka.

Kwa mujibu wa Kamanda wa Polisi mkoani Arusha Liberatus Sabas,pamoja na watuhumiwa kukutwa na simu 15 za aina mbalimbali,pia waliwaongoza polisi hadi kwa mtu mwingine ambaye hununua simu zote wanazopora na mali nyinginezo.

Miongoni mwa watuhumiwa hao ni Joseph Kisaka Mahochi, mkazi wa Tabata Dar es Salaam na Alexander Kitenge Malongori mkazi wa Nyakato Buzuruga jijini Mwanza,ambapo watuhumiwa wengine wanatokea mkoani Arusha.

Kamanda Sabas anasema operesheni hiyo imesaidia angalau kulifanya jiji na mkoa wa  Arusha kuwa shwari kwa kuwa tangu kuanza kwa operesheni hiyo,watuhumiwa wapatao ishirini wanaosadikiwa kuwa majambazi wakubwa wamenaswa na polisi,huku baadhi yao wakisafirishwa katika mikoa mbalimbali kujibu tuhuma za makosa waliyoyafanya katika mikoa hiyo.

SOURCE www.arushayetu.blogspot.com