SIRI YAFICHUKA AJALI YA MFANYABIASHARA WA NYAMA IRINGA, ALIKUWA NA TSH. MILIONI 6 KATIKA GARI

Mfanyabiashara Sijali Nyomolelo enzi wa uhai wake akiwa Wodini baada ya kupata ajali ya pikipiki

Mjane Sophia Kilyenyi akielezea siri iliyofichika juu ya kiasi halisi cha fedha alizokuwa nazo mfanyabiashara huyo

Maandalizi ya mazishi nyumbani kwa marehemu eneo la Mwangata mjini Iringa mchana wa leo

Mdogo wa marehemu Sijali akiwa na mjane

IKIWA ni siku moja toka ajali mbaya iliyosababisha kifo cha mfanyabiashara wa maduka ya Nyama (Bucha) mjini Iringa Sijali Nyomolelo kufa katika ajali mbaya ya gari katika eneo la Ikonongo kata ya Mkwawa mjini Iringa, siri nzito imefichuku juu ya kiasi cha fedha alizokuwa nazo.

Siri hiyo imefichuka baada ya kuwepo kwa utata juu ya kiasi halisi ambacho marehemu huyo alikuwa nacho katika gari yake aina ya Taxi yenye namba za usajili T 150 AAM ,ambayo alikuwa akiiendesha kabla ya kupata ajali mbaya jana majira ya saa 2 asubuhi .

Wakati taarifa za awali zilidai kuwa mfanyabiashara huyo alikuwa na kiasi cha shilingi zaidi ya 500,000 katika gari yake na ndizo zilizoporwa na vibaka waliofika katika gari hiyo kutoa msaada ,mjane wa marehemu ameibuka na kuzungumza na mtandao huu wa www.francisgodwin.blogspot.com kuwa mfanyabiashara huyo alikuwa na kiasi cha zaidi ya Tsh Milioni 6 katika gari lake .

Mjane huyo Bi Sophia Kilyenyi ameyasema hayo leo wakati akiushukuru mtandao huu kwa kufuatilia kwa kina ajali hiyo na kufichua yaliyofichika ikiwa ni pamoja na kutoa picha ya video ambay0 ni kauli ya mwisho ya marehemu akiwa hoi katika Hospital ya mkoa wa Iringa.

Alisema kuwa fedha hizo alizichukua nyumbani kwa ajili ya kwenda kununua ng'ombe katika kijiji cha Itamba ili kuweza kuzichinja kwa ajili ya bucha zake tatu alizokuwa akizimiliki mjini Iringa.

Hata hivyo mbali ya fedha hizo kuchukua nyumbani baadhi ya fedha alimtuma kwenda kuzichukua kwa mmoja kati ya wafanyabiashara wa nyama katika soko kuu la Manispaa ya Iringa ili kuongeza kwa kiasi kilichokuwepo.

Hata hivyo alisema bado hajatambua kiasi sahihi alichokuwa nacho kwani kabla ya kuondoka asubuhi alipata kuzungumzia suala la kwenda benki kuchukua fedha zaidi ili kuweza kwenda kesho kununua ng'ombe mnadani Pawaga .

Huku kuhusu gari alisema kuwa baadhi ya vitu viliporwa na vibaka hao wakati vitu vingine katika gari hilo ambalo alipata nalo ajali zimehifadhiwa sehemu salama.

Mfanyabiashara huyo Sijali Nyomolelo ambaye pia alipata kupata ajali mbaya ya Piki piki na kuvunjika mguu wake amezikwa leo katika Makabuli ya Kitwiru mjini Iringa aeacha watoto watatu na mjane mmoja .

Mungu ailaze Roho yake mahali pema peponi Amina

CHANZO FRANCIS GODWIN