COASTAL UNION WAENDELEZA WIMBI LA USHINDI ZBAR

Coastal Union

BAO pekee la Jerry Santo kwenye Uwanja wa Amaan, Zanzibar leo limeipa ushindi wa 1-0 Coastal Union katika mchezo

 wake wa kirafiki dhidi ya Zimamoto.

Huo ulikuwa mchezo wa pili kwa Coastal katika ziara yao ya siku tano visiwani humo, 

kujiandaa na Ligi Kuu ya Vodacom Tanzania Bara, inayoanza wiki ijayo. Katika mchezo wa 

kwanza, mabingwa hao wa Bara 1988, waliichapa Super Falcon mabao 3-0, wafungaji Suleiman 

Kassim ‘Selembe’, Jerry Santo na Danny Lyanga na Jumapili Coastal watacheza mechi yao ya 

mwisho na Mafunzo.

Wimbi hili la ushindi kwa Cosatal, linafuatia mwendo wa kusuasua kwenye michezo ya kirafiki 

ya awali, ilipofungwa mechi nne kati ya tano, kiasi cha kuibuka tetesi makocha Juma Mgunda

 na Msaidizi wake, Habib Kondo wanaweza kutupiwa virago.

Ilifungwa na Azam FC 2-0 Uwanja wa Chamazi, ilifungwa 2-1 na Yanga Uwanja wa Taifa,

 ilifungwa 3-2 na Bandari mjini Mombassa, baadaye 2-0 Tanga, ilifungwa 2-1 na Polisi mjini 

Morogoro na yenyewe iliifunga JKT Oljoro 1-0 Uwanja wa Mkwakwani, Tanga.

source bin zubeiry