SIMBA YAENDELEZA WIMBI LA USHINDI,TAZAMA PICHA WAKISHEHEREKEA USHINDI

Sunzu akimpongeza Edward na Kiemba baada ya kufunga bao la ushindi

Na Mahmoud Zubeiry

MABINGWA watetezi wa Ligi Kuu ya soka ya Vodacom Tanzania Bara, Simba SC leo wameendeleza wimbi la ushindi baada ya kuilaza mabao 2-1 Ruvu Shooting ya Pwani, kwenye Uwanja wa Taifa, Dar es Salaam.

Shukrani kwake mshambuliaji chipukizi, Christopher Edward aliyeingia kipindi cha pili kuchukua nafasi ya Ramadhan Chombo ‘Redondo’ kwa kufunga bao la ushindi dakika ya 80 na kuifanya Simba ifikishe pointi tisa baada ya kucheza mechi tatu, nyavu zake zikitikiswa kwa mara ya kwanza leo.

Simba sasa inaendelea kuongoza Ligi Kuu, ikifuatiwa na Azam yenye pointi saba, wakati watani wao wa jadi, Yanga wana pointi nne tu baada ya mechi tatu.   

Hadi mapumziko, Simba walikuwa tayari mbele kwa bao 1-0, lililowekwa kimiani na mshambuliaji wa kimataifa wa Zambia, Felix Mumba Sunzu Jr. dakika ya 29, akiunganisha krosi ya Nassor Masoud ‘Chollo’.

Katika dakika ya 45, kipa Benjamin Haule wa Ruvu Shooting alipangua mkwaju wa penalti wa mshambuliaji wa kimataifa wa Ghana, Daniel Akuffor baada ya beki mmoja wa timu hiyo kuunawa mpira kwenye eneo la hatari.

Kipindi cha pili, Ruvu Shooting inayofundishwa na kocha maarufu nchnini, Charles Boniface Mkwasa ilisawazisha bao dakika ya 80, baada ya Seif Rashid kutumia vizuri makosa ya beki Juma Nyosso dakika ya 75.

Seif aliupitia mpira miguuni mwa Nyosso, ambaye alianzishiwa na kipa Juma Kaseja na kutokana na kuchelewa kuamua, akasababisha kilichotokea.

Shukrani wake, chipukizi Edward aliyeifungia bao la ushindi Simba inayofundishwa na Mserbia, Milovan Cirkovick dakika ya 80.

Simba SC; Juma Kaseja, Nassor Masoud ‘Chollo’, Amir Maftah, Shomari Kapombe, Juma Nyosso, Amri Kiemba, Mwinyi Kazimoto, Ramadhani Chombo ‘Redondo’/Edward, Felix Sunzu, Daniel Akuffo/Boban na Mrisho Ngassa.

Ruvu Shooting; Benjamin Haule, Michael Pius, Mau Bofu, George Michael, Said Suzan, Gideon David, Abdulrahman Mussa, Hassan Dilunga, Paul Ndauka/Seif rashid, Hussein Said na Said Dilunga. 

Kikosi cha Simba leo

Manahodha Benjamin Haule wa Ruvu na Juma Kaseja wa Simba wakisalimiana kabla ya mechi

Hatari kwenye lango la Simba

Beki MIchael Pius wa Ruvu akiwatoka kiungo Amri Kiemba na beki Amir Maftah wa Simba

Kiemba akimdhibiti Abdulrahman Mussa, huku Kapombe akiwa tayari kutoa msaada

Kiungo wa Simba, Mwinyi Kazimoto akiokoa 

Kapombe akimdhibiti Hussein Said wa Ruvu

Kiemba akimkabili Hussein Said

Kiemba akiondosha mpira miguuni mwa Hussein Said

Maftah akimdhibiti Said Dilunga

Benja Haule akipangua penalti ya Akuffo

Kocha wa Ruvu, Mkwasa akilalamika kwa refa wa akiba, Oden Mbaga kuhusu marefa wa mechi ya leo 

Mau Boffu akiondosha mpira miguuni kwa Akuffo 

Chollo akiwatoka Mau Bofu na Abdulrahman Mussa 

Akuffo anatia krosi

Mrisho Ngassa anaambaa

Benja Haule akidaka mpira mbele ya Ngassa, huku akilindwa na mabeki wake 

Ngassa a napaa

Benja akidaka mbele ya Sunzu

Kikosi cha Ruvu Shooting leo,SOURCE http://bongostaz.blogspot.com/