UCHAGUZI UVCCM MKOA WA IRINGA LEO ,NANI ATAKOSA NANI ATAPATA UTAJUA HAPA LEO

Katibu wa UVCCM mkoa wa Iringa Bi.Rhoda George akionyesha kanuni ya UVCCM

WAKATI zoezi la uchukuaji na urejeshaji wa fomu kwa wagombea wa nafasi mbali mbali ndani ya umoja wa vijana wa Chama cha mapinduzi (UVCCM) limehitimishwa rasmi juzi ,kashfa nzito imeibuka ndani ya UVCCM mkoa wa Iringa baada ya wagombea wake zaidi ya robo tatu waliojitokeza wamefanya udanganyifu mkubwa wa umri wao wa kuzaliwa.

Uchunguzi uliofanywa na mtandao huu wa www.francisgodwin.blogspot.com umebaini kuwepo kwa udanganyifu mkubwa katika ujazaji wa fomu hizo huku baadhi ya wagombea wakiwa na umri mkubwa kuliko hata umri sahihi unaowataka wagombea wa nafasi hiyo wawe nao wa kuanzia miaka 14-30

Sababu ya kuwepo kwa udanganyifu huo ni baada ya kuona ushindani mkubwa katika jumuiya nyingine za CCM katika mkoa huo huku nafasi nyeti zote katika jumuiya hizo kama ile ya wazazi na umoja wa wanawake Tanzania (UWT) kuchukuliwa na vigogo wa CCM .

Mmoja kati ya vijana wanaowania nafasi moja wapo ndani ya UVCCM mkoa wa Iringa ambaye hakupenda kutaja jina lake katika vyombo vya habari alimweleza mwandishi wa habari hizi kuwa UVCCM mkoa wa Iringa imeendelea kupoteza dira yake huku kanuni za umoja huo zikiendelea kufinyangwa na waliopata kuwa viongozi wa umoja huo ambao bado wanaonekana kung'ang'ania uongozi katika kundi hilo la vijana japo umri wao umepita hata kwa mwonekano wa kawaida bila uthibitisho wa vyeti vya kuzaliwa.

Kwani alisema inashangaza kuona vijana wengi ambao umri wao ni mkubwa wakitumia vyeti vya kuapa mahakamani badala ya vile walivyotumia kipindi cha nyuma ambacho walipata kuomba nafasi za uongozi ndani ya UVCCM na jumuiya nyingine za chama.

" Hivi tunaomba uongozi wa UVCCM mkoa kuweza kuwahoji wanachama hao waliokimbilia kuziba nafasi za vijana wenye sifa ndani ya UVCCM kwa kudanganya miaka yao ya kuzaliwa .....kwani haiwezekani kijana aliyegombea nafasi ya uongozi ndani ya UVCCM mwaka 2007 akiwa na miaka 28 ama 27 leo anakuja kugombea tena katika akiwa na miaka pungufu ya hiyo ....ina maana alisimama kukua ili kuja kugombea nafasi hiyo.."alihoji kijana huyo

Huku akiuhoji uongozi wa UVCCM mkoa kukubali kupokea fedha za gharama za fomu kwa wanachama wa UVCCM ambao miaka yao imevuka mipaka ya miaka ambayo mwanachama anapaswa kugombea katika umoja huo.

Kwani alisema kuwa wapo baadhi ya wagombea ambao walipata kugombea nafasi za uemnyekiti katika chaguzi za chama mwaka 2007 wakiwa wamejaza miaka 29 ila leo wamekuja na umri mdogo zaidi .

Kwa upande wake katibu wa UVCCM mkoa wa Iringa Rhoda George alisema kuwa kila mwana chama wa UVCCM mwenye sifa ya kugombea anaruhusiwa kuchukua fomu ila kuchukua na kurejesha sio mwisho wa mwanachama huyo kupitishwa kuwa kiongozi kwani vipo vikao mbali mbali vya uchujaji wa majina ya wagombea ambavyo vitapitia sifa za wote walioomba na iwapo itabainika wamedanganya basi vikao vitaamua .

Alisema kuwa katika kinyang'anyiro cha nafasi ya kiti ndani ya UV CCM mkoa waliojitokeza ni wanachama 11 akiwemo Mwandishi wa habari wa gazeti la Mwananchi Iringa , Tumain Msowoya , Mwandishi wa habari wa kituo cha Radio Nuru Fm Aba Ngilangwa, Ramadhan Baraza ambaye ni mwalimu katika shule ya sekondari Mwembetogwa, Charles Makoga, kanuti Mhongole, Said Mlyuka , Fauzia Jemadari, Kaunda Mwaipyana, Asifiwe Choni na Shukru Stivin .

Baraza kuu la vijana Taifa wagombea waliojitokeza ni 12 na nafasi inayotakiwa ni moja pekee ambapo wagombea hao ni pamoja na msomi wa chuo kikuu cha Dodoma Geofrey Lukuvi , Shukru Stivin, Noel Mkanja, Asifiwe Choni, Gaudence Kabwabwalika, Ally simba, kaunda Mhongole, Ramadhan Baraza, Seck kasuga, Thom Masini, Kenedy Nyabusani na Thom Myinga.

Nafasi ya moja ya mkutano mkuu wa CCM Taifa kupitia vijana imegombewa na vijana 10 akiwemo Mary Msigala, Charles Makoga, Thom Masini, Kaunda Mwaipyana, Noel Mkanja, Malipula Chalamila, Kinyata Likotiko, David Edwin , Conel Malangalila na Felix Lwimbo.

katibu huyo aliwataja wanachama waliojitokeza kuomba nafasi moja ya mkutano mku wa CCM mkoa kupitia vijana kuwa ni hakim Mwasambogo na Baraka Mtafya huku nafasi moja ya Halmashauri kuu ya CCM mkoa imeombwa na Nuru Mwinuka ,Benitho Kayugwa na Baraka Mtafya.

Kwa upande wa uwakilishi wa vijana katika mkutano wa UWT walioomba ni Nuru Mwinuka na Janeth Inocent na uwakilishi wa UVCCM kwenda mkutano mkuu wa wazazi waliomba ni Baraka Mtafya na Mwera Frank

Aidha alisema Jimson Mwagama ambaye ni katibu msaidizi wa CCM mkoa wa Iringa na Thom Myinga wao wameomba nafasi 6 kwa Tanzania bara za kuwa kuwakilisha UVCCM katika Halmashauri kuu ya CCM Taifa wakati baraza kuu la UVCCM Taifa lenye nafasi tano kwa Tanzania bara kwa mkoa wa Iringa amejaza mwanachama mmoja pekee ambaye ni Asedy Mpelemwa.

 

WAGOMBEA WA UVCCM MKOA WA IRINGA WAINGIA MITINI KUTHIBITISHA UMRI WAO , KAMANDA WAO NA KATIBU WA CCM MKOA WATOA YA MOYONI ......

Kamanda wa UVCCM mkoa wa Iringa Salim Abri Asas akiwaomba wajumbe wa kikao cha mapendekezo ya majina ya wagombea kutenda haki katika kupendekeza majina
Mwanahabari na Mwanachama wa UVCCM Bi Tumain Msowoya ambaye ni mgombea nafasi ya kiti UVCCM mkoa wa Iringa Mwanachama Geofrey Lukuvi anayegombea baraza kuu la UVCCM mkoa wa Iringa
Mwanachama Fauzia Jemedari anayegombea kiti Mwanachama Gaudence Kabwabwalika anayegombea baraza kuu la UVCCM mkoa

Hawa ndio wagombea wa nafai ya UVCCM na ndio vijana wenyewe wa CCM
SAKATA la kashfa nzito kwa wana chama wa umoja wa vijana wa chama cha mapinduzi (UVCCM) mkoa wa Iringa kutuhumiwa kudanganya umri wao wa kuzaliwa limechukua sura mpya baada ya idadi kubwa ya vijana waliojaza fomu za kuomba nafasi mbali mbali katika UVCCM kukimbia kikao cha usaili kwa wagombea hao.

Huku kamanda wa umoja wa UVCCM mkoa wa Iringa Salim Abri Asas na katibu wa CCM mkoa wa Iringa Emmanuel Mteming'ombe wakipigilia msumari kwa kutaka haki itendeke katika kuchuja majina ya wagombea wa nafasi mbali mbali bila kuwepo upendeleo wowote na wale waliochakachua miaka kuwajibishwa .

Hatua hiyo imekuja baada ya mtandao huu kuibua siri nzito ya robo tatu ya vijana hao kujaza umri wa uongo ikiwa ni pamoja na kurudisha nyuma miaka ya kuzaliwa ili iweze kuendena na kanuni ya UVCCM inayomtaka mgombea kuanzia miaka 14-30.

Uchunguzi uliofanywa na mtandao huu juzi wakati wa kikao cha mapendekezo ya majina ya wagombea wa nafasi mbali mbali ndani ya UVCCM mkoa wa Iringa kikao kilichofanyika katika ukumbi wa CCM mkoa wa Iringa chini ya mgeni rasmi kamanda wa UVCCM mkoa wa Iringa Salim Abri Asas.

Sehemu kubwa ya wanachama hao walioojaza fomu hizo kushindwa kutokea katika kikao hicho nyeti cha kuhakiki taarifa walizojaza katika fomu zao za kuomba nafasi mbali mbali.

Taarifa kutoka ndani ya kikao hicho ambazo zimethibitishwa na baadhi ya wanachama zinadai kuwa walioshindwa kutokea katika kikao hicho ni baadhi ya wale wanaodaiwa kufanya uchakachuaji wa umri katika zoezi la ujazaji wa fomu hizo

 

 

MWANAHABARI ABBA NGILANGWA APANIA MENGI UV CCM MKOA WA IRINGA

Mwanahabari wa kituo cha Radio NuRu FM Iringa Abba Ngilangwa (pichani) ambaye ni mmoja kati ya vijana zaidi ya 10 wa umoja wa vijana wa chama cha mapinduzi (UVCCM) mkoa wa Iringa aliyejitosa kuwania nafasi hiyo amesema iwapo jina lake litapitishwa na kuwa mmoja kati ya wagombea wa nafasi hiyo ya kiti mkoa wa Iringa ana mengi ya kufanya .

Ngilangwa amesema kuwa kwa sasa ni mapema kuzungumza nini atafanya ndani ya UVCCM ila anazidi kumwomba Mungu pindi jina lake litakapopitishwa na kuwa mgombea na kushinda nafasi hiyo ataonyesha uwezo wake katika umoja huo.