SIKU YA AFYA YA FIGO DUNIANI: WATANZANIA WAASWA KUPIMA AFYA ZAO ILI KUEPUKA USUGU UGONJWA WA FIGO

Waziri wa Afya na Ustawi wa Jamii Dkt. Hussein Mwinyi akitoa Tamko kwa waandishi wa habari leo jijini Dar es salaam kuhusu Siku ya Afya ya Figo Duniani itakayoadhimishwa tarehe 14, Machi. Kulia ni Mwenyekiti wa Taasisi ya Figo Tanzania ambaye pia ni Mwanasheria Mkuu wa Serikali Frederick Werema.

Mwenyekiti wa Taasisi ya Figo Tanzania Mh. Frederick Werema akizungumza na waandishi wa habari leo jijini Dar es salaam kuhusu umuhimu wa kunywa maji safi na salama kama moja ya njia za kukinga figo kuathiriwa na magonjwa mbalimbali na kutoa wito kwa watanzania kuepuka tabia hatarishi kwa afya ya figo zikiwemo za utumiaji wa pombe kupita kiasi, madawa ya kulevya, utumiaji wa dawa za binadamu kupita kiasi na uvutaji wa sigara.  Picha na Aron – MAELEZO.

 …………………………………………………………………..

  Na. Aron  Msigwa – Dar es salaam.

 Watanzania wametakiwa kujenga tabia ya kuvitumia vituo vya afya kupima afya ya figo mara kwa mara na kupata ushauri na tiba mapema pindi wanapogundulika kuwa na matatatizo ya figo ili kuepuka kusababisha  usugu wa ugonjwa huo.

 Waziri wa Afya na Ustawi wa Jamii Dkt. Hussein Mwinyi ametoa kauli hiyo leo jijini wakati akitoa tamko kuhusu maadhimisho ya Siku ya Afya duniani yatakayofanyika tarehe 14 mwezi huu duniani kote.