LIONEL MESSI AMPIKU DIEGO MARADONA KWA MABAO ARGENTINA BAADA YA JANA KUPIGA MATATU PEKE YAKE KATIKA USHINDI WA 4-0!!

KWA MSAADA WA SPORTSMAIL.COM

MSHAMBULIAJI Lionel Messi amepiku rekodi ya Diego Maradona ya kufunga mabao katika timu ya taifa ya Argentina, baada ya jana usiku kufunga mabao matatu peke yake akiiwezesha nchi yake kuibwaga Guatemala 4-0 katika mchezo wa kirafiki.

Nyota huyo wa Barcelona sasa analingana kwa mabao na Hernan Crespo, 35 kila mmoja lakini anazidiwa kwa mabao 21 na gwiji Gabriel Batistuta.

Watu wamekuwa wakibishana sana juu ya uwezo wa Messi na Maradona kwamba nani zaidi kati yao, lakini nyota wa Barca akiwa na umri wa miaka 25 tu anaonyesha anaweza kustaafu akiwa mfungaji bora wa kihistoria kwa nchi yake.

kazi nzuri: Lionel Messi akishangilia na Sergio Aguero (kushoto) na chini akiifungia timu yake kwa Penalti

Amepitwa: Diego Maradona ameifungia mabao 34 Argentina na alikuwa anashika nafasi ya tatu katika orodha ya wafungaji wa kihistoria

Utamchagua nani? Ubishani kwamba nani zaidi kati ya Messi (kulia) na Maradona (kushoto)

Alirejea kwenye kikosi cha kwanza baada ya kuwekwa benchi katika mechi mbili zilizopita kutokana na kuwa majeruhi.

Alifunga bao la kwanza kwa shuti la mbali, kabla ya kumtengenezea nafasi ya kufunga bao la pili Augusto Fernandez kisha akafunga kwa penalti kufikisha idadi ya mabao ya Maradona kabla ya mapema kipindi cha pili kufunga bao la kumpiku gwiji huyo, akiunganisha pasi ya Ezequiel Lavezzi.

Batigol: Gabriel Batistuta ndiye mfungaji bora wa kihistoria wa Argentina akiwa mbele ya Hernan Crespo (chini) na sasa na Messi pia

Lakini kocha wa zamani wa ufiti wa Argentina, Fernando Signorini ameonya kwamba Messi anaweza akawa hayuko vizuri wakati wa Fainali za Kombe la Dunia mwakani kutokana na kutumika sana.

“Kabla, Miaka ya 60 na 70, wachezaji walikuwa wanacheza mechi 80 hadi 90 kwa mwaka, lakini (Messi), ni nambari moja duniani, anacheza mechi zaidi ya 120 kama ukihesabu mechi zake za Barcelona na timu ya taifa,”alisema na kunukuliwa na Marca.

“Messi amecheza miaka mitatu bila kuumia, lakini miezi miwili na nusu iliyopita aliumia misuli kabla ya Nusu Fainali ya Kwanza ya Ligi ya Mabingwa dhidi ya Bayern Munich nchini Ujerumani, na akawekwa benchi katika mchezo wa marudiano. Kisha akaumia tena,”alisema.

Wasiwasi: Messi anaweza asiwe vizuri kwa asilimia 100 wakati wa Kombe la Dunia kwa sababu ya kutumika sana