HIVYO NDIVYO WACHEZAJI WA ZAMANI WA KLABU YA RELI, PAN AFRIKA NA COAST UNION NAMNA WALIVYOMZIKA IDRISA NGURUNGU MOROGORO.

Juma Mgunda kulia akiongea jambo na Hussein Ngurungu mara baada ya mazishi ya mdogo wake Idrisa Ngurungu aliyefariki kwa ajali ya gari katika barabara kuu Morogoro-Kisaki eneo la Kibungo siku ya ijumaa Agosti 2 mwaka huu mkoani Morogoro na kusababisha watu wawili kufariki dunia papo hapo na wengine wanee kujeruhiwa vibaya katika ajali hiyo iliyotokea majira kati ya saa 6 na saa 7 mchana mkoani Morogoro.

Jeneza lenye mwili wa mchezaji nyota wa zamani aliyewahi kuzichezea klabu za Reli ya Morogoro, Pan Afrika ya Dar es salaam na Coastal Union ya Tanga, ldrisa Ngurungu kulia na la Laila Mgoto yakiwa katika makaburi ya Kola muda mfupi kabla ya mazishi yao baada ya kuf

ariki dunia katika ajali ya gari barabara kuu Morogoro-Kisaki eneo la Kibunge siku ya ijumaa agosti 2 mwaka huu mkoani Morogoro.Jeneza lenye mwili wa mchezaji nyota wa zamani aliyewahi kuzichezea klabu za Reli ya Morogoro, Pan Afrika ya Dar es salaam na Coastal Union ya Tanga, ldrisa Ngurungu kulia na la Laila Mgoto yakiwa katika makaburi ya Kola muda mfupi kabla ya mazishi yao baada ya kufariki dunia katika ajali ya gari barabara kuu Morogoro-Kisaki eneo la Kibunge siku ya ijumaa Agosti 2 mwaka huu mkoani Morogoro.

Huyu ni mchezaji wa zamani wa klabu ya Pan Afrika na Yanga Baakari Malima (Jembe Ulaya) katika mazishia hayo ambapo Malima aliwahi kucheza na Idrisa Ngurungu katika klabu ya Pan Afrika miaka hiyo.

Kocha John Simkoko naye akizungumza jamba na mmoja watu walioshiriki katika mazishi hayo.

 Jeneza la dada yetu mpendwa Laila Mgoto likiingizwa katika gari mara baada ya sala ya mwisho katika msikiti wa Mjipya tayari kwa kuanza safari ya kuelekea katika makaburi ya Kola kwa mazishi.

Sehemu ya usafiri wa pikipiki waliotumia watu mbalimbali kuwasafirisha kutoka nyumbani kwa marehemu hadi makaburi ya Kola kwa ajili ya kushiriki mazishi hayo.

Magari yakielekea Kola katika mazishi hayo eneo la Kilima kwa Mnyonge Kilakala.

Kutoka kulia ni marehemu Idrisa Ngurungu, Shomari Kapombe, Profesa Madundo Mtambo na Hamis Machupa mara baada ya kumalizika kwa mazoezi hivi karibuni katika uwanja wa Morogoro Veteran uliopo jirani na hospotali kuu ya mkoa wa Morogoro. PICHA JUMAMTANDA.BLOGSPOT.COM

Na Juma Mtanda, Morogoro.

MCHEZAJI nyota wa zamani aliyewahi kuzichezea klabu za Reli ya Morogoro, Pan Afrika ya Dar es salaam, Coastal Union ya Tanga na timu ya taifa ya (Taifa Stars), ldrisa Ngurungu amefariki dunia kwa ajali ya gari wakati akisafari kutoka Morogoro mjini kwenda kijiji cha Kisaki kwa kuhudhuria mazishi ya mkwe wa mdogo wake katika tukio lililotokea Agosti 2 mwaka huu majira kati ya saa 6 na saa 7 mchana mkoani Morogoro. 

Akizungumza na gazeti hili jana (juzi) wakati wa mazishi ya mchezaaji huyu katika makaburi ya Kola mjini hapa, Shemeji wa marehemu, Nasibu Nasour alisema kuwa Idrisa Ngurungu amefariki dunia baada ya kutokea ajali ya gari siku ya Ijumaa katika barabara kuu Morogoro-Kisaki eneo la Kibungo wakati wanafamilia wakielekea katika mazishi kijiji cha Kisaki na kufariki dunia akiwa yeye na Laila Mgoto papo hapo na abiria wengine wanne kujeruhiwa vibaya. 

Nasour alisema kuwa mazishi ya ndugu zao Idrisa Ngurungu pamoja na Laila Mgoto wamezikwa katika makaburi ya Kola na katika ajali hiyo ndugu wengine wanne walijeruhiwa na kulazwa katika hospitali ya rufaa ya mkoa wa Morogoro baada ya dereva aliyekuwa akienda gari hilo, Moshi Gimbi kujaribu kuepusha ajali ambayo ingeweza kutokea na gari nyingine ya kugongana uso kwa uso katika kona eneo hilo la Kibungo na kupinduka huku ikisababisha watu wawili kufariki dunia papo hapo abiria wanne wakijeruhiwa ambapo Ngurungu na mpwa wake Laila Goto wamezikwa katika makaburi ya Kola majira ya saa 10 jioni. 

Mazishi hayo yalihudhudliwa na viongozi mbalimbali akiwemo Mwenyekiti wa CCM mkoa wa Morogoro Innocent Kalogeris, Meya wa Manispaa ya Morogoro Amiri Nondo, Mbunge wa Morogoro mjini Abdullaziz Abood pamoja na wachezaji wa zamani wa klabu za Coast Union wakiongizwa na Mwenyekiti wa Coast Union, Ahmed  Hilal,  Saidi Korongo, Juma Mgunda, Dogras Muhani, Razack  Yusuph, Bakari Malima (Jembe Ulaya) huku wachezaji wa Reli Morogoro wakiongizwa na Kocha John Simkoko, Peter Mjata, Boniface Njohole na Mohamed Mtono. 

Aliwata ndugu waliojeruhiwa katika ajali hiyo na kulazwa hospitali ya mkoa wa Morogoro kuwa ni pamoja na Salum Kapilima, Abushir Moto, Halima Muya na Bahati Seif ambao wameumia sehemu mbalimbali za miili yao. 

“Tulikuwa tunakwenda kumzika (Yakubu Ngurungu) ambaye ni mkwe wa mdogo wake marehemu Idrisa katika mji mdogo wa Kisaki aliyefariki dunia siku mbili kabla ya tukio hilo, na gari lao lilichelewa kuondoka mjini ambapo mimi na wanafamilia wengine tulitangulia na gari walipofika eneo la Kibunge lilipinduka na watu wawili wafariki dunia papo hapo na wanne wakijeruhiwa vibaya na ajali hiyo ilitokea kwa sababu ya mwendo kasi uliochangia na dereva kutoifamu kona za barabara hiyo”. Alisema Nasour. 

Naye mchezaji mwenzake wa zamani wa klabu ya Reli ya Morogoro Hamis Machupa alisema kuwa kifo hicho kimewastua wengi wakiwemo ndugu, jamaa na marafiki kutokana na mazingira ya tukio hilo kwani siku ya alhamisi yeye, Bure Mtagwa na marehemu Idrisa Ngurungu aliomba fedha kwa (yeye Hamis Machupa) kwa ajili ya kumsaidia katika safari ya kwenda Kisaki katika mazishi ya mkwe wa mdogo wake (Yakubu Ngurungu) aliyefariki dunia hivi karibuni na mazishi yake kufanyika Kisaki. 

Machupa alisema kuwa alionana na marehemu siku ya alhamisi baada ya kutoka mazoezini uwanja wa Morogoro Veterani na walifika nyumbani kwao Idrisa Ngurungu kumpa pole na kutoa kiasi cha fedha kisha kuagana naye ambapo marehemu alieleza kuwa baada ya mazishi angeweza kurudi siku hiyo hiyo (kesho yake Ijumaa) lakini kufika majira ya saa 9 alasili siku ya Ijumaa alipigiwa simu na kuelezwa taarifa za kifo cha Ngurungu. alisema Machupa.