Mchungaji peter msigwa atoa msaada wa chakula chuo cha kiislam kitanzini islamic center mkoani iringa.

MBUNGE wa Jimbo la Iringa mjini (CHADEMA),mchungaji Peter Msigwa ametoa msaada wa chakula cha futari chenye thamani ya shiling milion moja na laki nne katika chuo cha kiislam kiitwacho kitanzini Islamic Center kilichopo kitanzini mkoani humo.

Msingwa amesema kuwa lengo la kutoa msaada huo ni kuwapatia chakula cha futari wanachuo hao pamoja na uongozi mzima katika mwezi huu wa ramadhani na kuondoa ubaguzi na itikadi za kichama pamoja na za kidini na kuifanya Tanzania kuwa moja,

Sambamba na hayo Msigwa alibainisha kuwa kuwaelimisha wanachuo wanaosoma chuoni hapo ni moja ya maendeleo katika jamii nzima, kwa sababu ni wanafunzi wanaotoka katika mikoa yote ya Tanzania.

Kwa upande wake sheikh Mkuu wa mkoa wa Iringa, Ally Tagalile amesema kuwa anashukuru kwa kuwakumbuka na kuwajali wanachuo hao bila kujali itikadi ya dini ya mbunge wa jimbo hilo

Tagalile amesema kuwa viongozi waache kuwabagua waislam hasa katika mwezi huu mtukufu wa ramadhani, badala yake wawajali na kuwapa heshima kama wanavyo wapa wakiristu wakiwa katika mfungo

ShareThis Copy and Paste