ASKARI OPARESHENI KIMBUNGA WAUWA RAIA KWA RISASI, WAVAMIA MSIBANI NA KUMJERUHI VIBAYA DIWANI.

Diwani wa kata ya Majimoto Tarafa ya Mpimbe wilaya ya Mlele Mkoa wa Katavi Nyasongwe Serengeti akiwa amelazwa katika wodi namba moja katika hospitali ya wilaya ya Mpanda akiwa katika hali mbaya baada ya kupokea kipigo toka kwa askari wanaofanya opareshen kimbunga inayoongozwa na jeshi la wananchi kufuatia vurugu zilizotokea hapo juzi katika kijiji cha Luchima baina ya askari hao na wanakijiji hicho ambapo katika tukio hilo mwanakiji mmoja aliuwawa kwa kupigwa risasi na mwingine kupigwa risasi mguuni ambapo mkuu wa kikosi cha kutuliza ghasia ASP Mafie alijeruhiwa kichwani kwa fimbo na kupoteza Fahamu na wanakijiji hao ambao alilishambulia gari la polisi lenye namba za usajili PT 0985.

Picha na Walter Mguluchuma-Katavi yetu Blog

********

 

Na Walter Mguluchuma

Mpanda Katavi

Diwani wa Kata ya Majimoto   Tarafa ya Mamba  Wilaya ya Mlele  Mkoa wa Katavi  Nyasongwe (45)  amejeruhiwa vibaya  na kulazwa hospitalini  baada ya kupigwa na askari wanaofanya oparesheni  kimbunga katika Mkoa wa Katavi  wakati akiwa msibani kwa mwanakijiji aliye  uwawa kwa kupigwa risasi na Askari wanaofanya oparesheni kimbunga baada ya kutokea vurugu baina yao na wanakijiji cha Luchima  kata ya Majimoto Wilaya ya Mlele  mkoa wa Katavi

Akiongea kwa taabu  na waandishi wa habari  Diwani huyo wa Kata ya Majimoto  ambae amelazwa katika wodi namba moja huku akiwa chini ya ulinzi wa  Polisi katika wodi namba moja  katika hospitali ya wilaya ya Mpanda  ambako amelazwa toka juzi mchana

Alisema tukio hilo na kupigwa na kujeruhiwa lilitokea hapo  oktoba 13 mwaka huu majira ya saa sita mchana wakati akiwa  msibani kijijini hapo  alipokuwa amekwenda  kwenye msiba wa mwanakijiji ambae alikuwa ameuwa muda mfupi kwa kupigwa risasi na askari  wanaofanya opuresheni Kimbunga

Alieleza kuwa siku hiyo ya tukio  yeye wakiwa na Afisa Tarafa wa Tarafa ya Mamba  Lyoba Juma Shomari  walipata taarifa kuwa kumetokea vurugu baina ya wanakijiji cha Luchima  na Askari wanaofanya opuresheni Kimbunga  na kusababisha kifo cha mwanakijiji mmoja na kushambuliwa na kujeruhiwa kwa mkuu wa kituo cha kutuliza ghasia wa Mkoa wa Katavi ASP Mafie

Diwani huyo ambae ameumia vibaya sehemu ya matako alisema   ndipo  walipokubaliana na afisa tarafa huyo   na kuelekea kwenye eneo la tukio ambapo walikuta wanakijiji  wakiwa wameweka  tayari msiba wa mwanakijii mwenzao  ambae alikuwa ameuwawa kwa kupigwa risasi 

Alifafanua kuwa kifo cha mwanajijiji huyo kilitokana na vurugu zilizotokana na wanakijiji hicho kutoridhishwa kuona mwenzao mmoja nyumba yake ikipekuliwa na kikosi cha opareshen kimbunga ndipo walipoamua kumshambulia  kwa fimbo  ASP Mafie  na kujeruhi kichawni na kumfanya kupoteza fahamu

Pia wanakijiji hao walilishambulia kwa mawe gari la polisi lenye namba   PT 0985 na kulivunja kioo ndipo  askari hao wa opuresheni kimbunga walipo amua kufyatua risasi ambayo ilimuuwa mwanakijiji huyo na kumjeruhi mguuni mwakakijiji mwingine ambae amepelekwa Katika hospitali ya Sumbawanga mkoani Rukwa kwa ajiri ya matibabu

Serengeti alieleza kuwa wakati wakiwa bado wako hapo msibani  ghafla lilitokea kundi la askari  wa opuresheni kimbunga na kuanza kuwashambulia  waombolezaji wote waliokuwepo hapo bila kujali jinsia ingwa yeye na afisa Tarafa hiyo waliweza kujitambulisha lakini waliendelea kupokea kipigo bila huruma kutoka kwa askari hao

Alieleza kuwa kisha walipakiwa kwenye roli la jeshi wakiwa na kundi la watu waliokuwa wanaomboleza msibabani hapo  kwa kudaiwa kumshambulia  mkuu wa kikosi cha kutuliza ghasia wa Mkoa wa Katavi

Kamanda wa Polisi wa Mkoa wa Katavi Dhahiri Kidavashari  alipotakiwa kutowa ufafanuzi kuhusiana na tukio hili  alisema kuwa opuresheni hiyo Kimbunga mhusika ambae anatakiwa kutowa taarifa za tukio hili ni mkuu wa Hifadhi ya wanyama pori ya Katavi  

Kwa upande wake mkuu wa Hifadhi ya Katavi Ignasi  Gara  alishindwa kutowa kabisa ushirikiano kwa waandishi wa habari  na kuatupia jeshi la wananchi  kuwa wao ndio wasemaji wakuu

Na Katavi yetu Blog