HOSPITALI TEULE YA ILULA YAPATIWA MSAADA

Mfadhili wa shirika lisilo la kiserikali la Ilula Orphan Program(IOP) la Iringa, Yokes na Klaas wakimkabidhi moja ya vifaa mganga mkuu wa hospitali ya Ilula Dk. Erasto Rite alivyoikabidhi hospitali teule ya Ilula makabidhiano yaliyofanyika katika hospitali hiyo ilula

 iliyoko wilaya ya Kilolo mkoani Iringa2. Mfadhili wa shirika lisilo la kiserikali la Ilula Orphan Program(IOP) la Iringa, Klaas akionyesha moja ya vifaa vya kuongeza joto kwa watoto alivyoikabidhi hospitali teule ya Ilula makabidhiano yaliyofanyika katika hospitali hiyo ilula iliyoko wilaya ya Kilolo mkoani Iringa3. Mfadhili wa shirika lisilo la kiserikali la Ilula Orphan Program(IOP) la Iringa, Klaas akiwa katika picha ya pamoja na baadhi ya watumishi wa Hospitali ya Ilula na wafanyakazi wa IOP. (Picha zote na Denis Mlowe)

=========  =======   ==========

HOSPITALI TEULE YA ILULA YAPATIWA MSAADA

Na Denis Mlowe,Ilula

MFADHILI  wa shirika lisilo la kiserikali la Ilula Orphan Program(IOP) la Iringa, Yoker n Klaas ametoa msaada wa vifaa tiba na ukarabati  wa majengo ya hospitali teule ya Ilula iliyoko katika wilaya ya Kilolo mkoani Iringa  vyote vikiwa na thamani ya shilingi milioni 32  kwa ajili ya kuwasaidia mama wajawazito na watoto wanaozaliwa kabla ya muda(njiti).

Akizungumza wakati akikabidhi msaada wa vifaa tiba kwa mganga mkuu wa hospitali hiyo Dk. Erasto Rite katika makabidhiano yaliyofanyika katika hospitali hiyo, Klaas alisema lengo ni kupunguza vifo wa watoto na kusaidia kutoa huduma bora kwa wananchi wasio na uwezo walioko katika wilaya hiyo na   sehemu za jirani.

Alisema watoto wachanga wanategemea sana misaada kutoka kwa wakubwa hivyo msaada wa huduma bora ni jukumu la kitu mwanajamii kuweza kutoa kile ambacho anaweza kuasaidia katika jamii.

"Tutajitahidi kuweza kuwalinda kwa njia yoyote na moja ya malengo ya IOP ni kuweza kulinda afya za watanzania na kuwaletea maendeleo hivyo msaada huu ni mwanzo tu wa kuwapatia vifaa vya kazi" alisema Klaas

Klaas alisema msaada huo ni ishara ya kuendelea kuimarika kwa ushirikiano baina ya hospitali hiyo na asasi hiyo na kuahidi kuendelea kutoa misaada kuimarisha huduma za afya kwa wananchi wa wilaya ya Kilolo.

Kwa upande wake, Dk. Erasto Rite alisema msaada wa vifaa tiba utaisaidia hospitali hiyo kuhudumia watoto wengi zaidi na kwa uhakika na kuwashukuru shirika hilo lisilo la kiserikali kwa msaada huo uliowafikia kwa wakati.    Alisema hospitali hiyo ina upungufu mkubwa wa vifaa tiba, ukosefu wa maji, chumba cha maiti na   ukosefu wa gari la kubebea wagonjwa

Alisema lengo la Hospitali hiyo ni kuongeza viwango vya matibabu kuweza kufikia hadhi ya kitaifa kwa kuwa na vifaa bora na kuongeza huduma nyingi zaidi ambazo hazipatikaniki katika hospitali hiyo.

Rite alisema lengo la hospitali hiyo kupunguza vifo vya mama wajawazito na watoto wanaozaliwa kabla ya muda (njiti) kuimarisha miundo mbinu ya hospitali hiyo kwa kujenga idara mbalimbali na kujenga  sehemu za kulaza wagonjwa .