MCHUMBA KUUA, KUJIUA MAKUBWA YAIBUKA

Na Waandishi Wetu
SAKATA la kijana aliyejulikana kwa jina la Gabriel Nassana, mkazi wa Ghana jijini Mwanza kuua, kujeruhi  kisha na yeye kujiua limeingia katika hatua nyingine kufuatia kuibuka madai kwamba, kamanda wa polisi wa mkoa mmoja nchini (RPC) ndiye chanzo.Mchumba wa marehemu.
Mauaji hayo yalitokea juzi nje ya nyumba ya wanafamilia waliokumbwa na dhahama hiyo iliyopo Ilala jijini Dar es Salaam.

Katika mauaji hayo, Gabriel alidaiwa kumuua kwa risasi shemejiye aliyejulikana kwa jina la Alfa Nando, kumjeruhi mchumba wake, Christina Nando, mama mkwe wake (mama wa Christina), dereva wa familia aitwaye Francis kisha kujimaliza mwenyewe.
Akizungumza na Amani kwa njia ya simu rafiki mmoja wa marehemu Gabriel (jina lipo) alisema marehemu ambaye alikuwa mfanyabiashara wa magari jijini Mwanza aliaga kwenda Dar kumchunguza mchumba wake (Christina) kwa sababu alidokezwa kuwa shemeji yao huyo anamsaliti kwa kutembea na RPC ambaye jina lake halikupatikana.
Alidai kuwa, baada ya kufika Dar marehemu alimpigia simu na kumwambia kuwa, habari za Christina kutembea na RPC huyo ni za kweli na kwamba amepata habari anataka kusafiri hivyo hatakubali aende hiyo safari bila kumfanyia kitu kibaya.CHANZO GPL