MTU MMOJA AUAWA KWA KUNYONGWA MKOANI MBEYA.(TAARIFA KUTOKA JESHI LA POLISI MBEYA)

MTU MMOJA AUAWA KWA KUNYONGWA MKOANI MBEYA.

MTU MMOJA ALIYETAMBULIKA KWA JINA LA MARIA MWAWANGU (56) MKAZI WA KIJIJI CHA UPENDO ALIKUTWA NDANI YA NYUMBA YAKE AMEUAWA KWA KUNYONGWA SHINGO BAADA YA KUBAKWA NA MTU/WATU WASIOFAHAMIKA. TUKIO HILO LILITOKEA MNAMO TAREHE 16.02.2014 MAJIRA YA USIKU NAMWILI WA MAREHEMU ULIKUTWA MAJIRA YA SAA 13:30HRS MCHANA HUKO KATIKA KIJIJI CHA UPENDO WILAYA YA CHUNYA MKOA WA MBEYA. MAREHEMU ALIKUWA ANAISHI PEKE YAKE KATIKA NYUMBA HIYO. CHANZO CHA MAUAJI HAYO KINACHUNGUZWA. KAIMU KAMANDA WA POLISI MKOA WA MBEYA KAMISHINA MSAIDIZI WA POLISI ROBERT MAYALA ANATOA WITO KWA YEYOTE MWENYE TAARIFA ZA MTU/WATU WALIOHUSIKA NA TUKIO HILI AZITOE KWA JESHI LA POLISI ILI WAKAMATWE NA SHERIA ICHUKUE MKONDO WAKE.

MAHABUSU AJINYONGA NA KUFARIKI DUNIA WILAYANI TUNDUMA.

MNAMO TAREHE 17.02.2014 MAJIRA YA SAA 06:00HRS ASUBUHI MAHABUSU ALIYEFAHAMIKA KWA JINA LA VUMI ELIAS (30) MKAZI WA MTAA WA MAPOROMOKO TUNDUMA WILAYA YA MOMBA ALIFARIKI DUNIA MUDA MFUPI BAADA YA KUFIKISHWA KITUO CHA AFYA TUNDUMA BAADA YA KUJARIBU KUJINYONGA AKIWA NDANI YA MAHABUSU KATIKA KITUO CHA POLISI TUNDUMA. MAREHEMU ALIINGIA KATIKA CHOO CHA MAHABUSU KILICHOPO NDANI YA MAHABUSU HIYO MAJIRA YA SAA 04:30HRS USIKU NA KUTAKA KUJINYONGA KWA KUTUMIA TAMBALA LA KUPIGIA DEKI. MAREHEMU ALIOKOLEWA NA ASKARI WALIOKUWA ZAMU CHUMBA ZA MASHITAKA NA KUKIMBIZWA KITUO CHA AFYA KWA MATIBABU AKIWA KATIKA HALI MBAYA NA HAWEZI KUONGEA BAADA YA KUPATA TAARIFA KUTOKA KWA MAHABUSU WENGINE WALIOINGIA CHOONI HUMO. AWALI MNAMO TAREHE 14.02.2014 MAREHEMU ALIKAMATWA KWA KOSA LA UNYANG’ANYI WA KUTUMIA NGUVU. CHANZO KINACHUNGUZWA, MWILI WA MAREHEMU UMEHIFADHIWA KATIKA KITUO HICHO CHA AFYA.

Signed by:

[ROBERT MAYALA – ACP]

KAIMU KAMANDA WA POLISI MKOA WA MBEYA.