Diamond ajipanga Kuchimba visima na kusaidia shule za Tandale

Diamond Platnumz anatarajia kuanza shughuli za kurudisha fadhila kwa jamii yake kwa kutoa misaada mbalimbali.

Muimbaji huyo ambaye hivi wiki hii aliachia wimbo na video mpya ‘Ntampata Wapi’ amedai kuwa atachangia shughuli za uchimbaji visima vya maji katika maeneo alikokulia ya Tandale jijini Dar es Salaam.

Aliongeza pia kuwa misaada mingine ni pamoja na 

kusaidia upatikanaji wa madawati katika baadhi ya shule za eneo hilo. Alidai kuwa enzi anasoma, aliwahi kukaa chini na hivyo ni muda sasa umefika kwa kufanya kitu kusaidia wanafunzi wa maeneo hayo.

 Katika hatua nyingine, video ya ‘Ntampata Wapi’ imepata mapokezi makubwa ndani na nje ya nchi na hadi sasa imeangaliwa kwa zaidi ya mara 270,000 ndani ya siku mbili tangu itoke.