TAZAMA PICHA 8 JINSI MASHABIKI WA LIVERPOOL NA CHELSEA WALIVYOPIGANA NGUMI MPAKA POLISI KUINGILIA KATI, ILIKUWA BALAA SANA JIONEE

Pata hiyo na ukome: Shabiki wa Liverpool akimchapa konde wa Chelsea nje ya Uwanja wa Anfield

VURUGU ilizotokea nje ya Uwanja wa Anfield kufuatia Liverpool kufungwa na Chelsea mabao 2-0 jana.

Picha zinaonyesha kitimutimu cha maana nje ya Uwanja wa Anfield Road baada ya mashabiki wa Liverpool kuwavaa mashabiki wa Chelsea waliokuwa wakiimba jina la Nahodha wa Wekundu hao, Steven Gerrard baada ya mechi.

Shabiki mmoja alitupa konde kwa mwenzake, wakati wengine walitenganishwa na Polisi.

Makosa ya Gerrard yalisababisha bao la kwanza la Chelsea lililofungwa na Demba Ba na mashabiki wa The Blues wakawatia hasira Liverpool kwa kuimba jina la mchezaji huyo. 

Mashabiki wa Chelsea wakizomea kwa jeuri ya ushindi wa 2-0

Mashabiki wakizipiga chanzo ni kuzomewa kwa Steven Gerrard

Polisi wakituliza ghasia

 Baba akiongozana na kijana wake kutoka eneo la vurugu huku watu wakiendelea kuchapana nyuma yake

Polisi walilazimika kuwaachanisha watu wengine waliopelekana hadi chini katika mapambano yao

 Polisi wakiwwka uzio baina ya mashabiki wa Liverpool na Chelsea

Mashabiki wa Liverpool wakisema na Polisi waliokuwa wakituliza ghasia hizo

Wanafunzi watatu wapoteza maisha wakiogelea kwenye ‘Swimming Pool’ jijini Dar!

JESHI la Polisi Kanda Maalum ya Kinondoni, linamshikilia mfanyabiashara maarufu jijini Dar es Salaam, Mboka David (44) mkazi wa Kijitonyama kwa kosa la kusababisha vifo vya watoto watatu wa shule ya msingi na wengine saba kujeruhiwa walipokuwa wakiongelea katika bwawa la kuogelea ‘Swimming pool’ ya Hoteli ya Landmark iliyopo Mbezi Beach jijini humo Mtandao huu imebaini.
Aidha, taarifa za awali kuhusu tukio hilo ambalo lilitokea jana Jumapili Aprili 27, mwaka huu saa 11 jioni katika hoteli hiyo zilidai mwanamke huyo ambaye sasa anahojiwa, aliwachukua watoto wake wakiwa na watoto wengine (wakiwemo waliokufa) kutoka majumbani mwao eneo la Kijitonyama karibu na Polisi – Mabatini bila ruhusa ya wazazi na kuelekea katika eneo hilo.

Bwawa la kuogelea la kisasa (Swimming Pool) la Hoteli ya Landmark ambapo pamepelekea vifo vya watoto watu na wengine saba kujeruhiwa

Awali, mtandao huu ulidokezwa kuwa, wakati wa tukio mama huyo akiwa na familia yake na watu wengine walikuwa wakijipatia kinywaji (pombe) ndipo watoto hao walipokuwa wakiogelea walizidiwa na maji na kupiga kelele ili kuomba msaada bila kupata mwitikio wowote na hata hapakuwa na mhudumu wa hoteli katika bwawa hilo huku wengine wakifanikiwa kujiokoa wenyewe.
Uchunguzi wa Kipolisi
  mtandao ulifuatilia tukio hili kwa karibu ambapo Jeshi la Polisi katika kanda hiyo lilithibitisha tukio hilo kupitia kwa Mkaguzi msaidizi wa Polisi katika kanda hiyo, Inspekta Shamila Iddi, na kuelezea mazingira ya tukio hilo.
Alisema siku ya tukio mwanamke huyo ambaye hadi sasa anahojiwa, walienda katika hoteli hiyo kwa lengo la kufanya sherehe ‘birthday’ ya kuzaliwa kwa mtoto Eberick Mboka (1), wakiwa na ndugu jamaa na marafiki.
Hata hivyo alisema watoto hao walifariki katika Hospitali ya Entry-Mbezi walipokuwa wamepelekwa na wahudumu wa hoteli hiyo baada ya kupata taarifa hizo kwa ajili ya matibabu.
Aliwataja marehemu kuwa ni, Ndimuni Bahati (9), mwanafunzi wa darasa la sita, Eva Nikolas (6) na mwanafunzi wa darasa la sita pamoja na Janeth Zakaria (10) mkazi wa Kijitonyama wote wa jinsia ya kike. Miili ya marehemu imehifadhiwa katika hospitali ya Mwananyamala jijini Dar es Salaam.
Hata hivyo, upelelezi wa tukio hilo unaendelea ili kubaini chanzo cha tukio hilo huku Jeshi hilo likikanusha kuchelewa kufika katika tukio hilo kama ambavyo vyanzo vya mtandao huu vilidokezwa na mashuhuda kuwa utoaji taarifa wa tukio hilo uligubikwa na hali ya usiri/utata.Chanzo Fikrapevu

AMWAGIWA KINYESI NA MTUHUMIWA WAKATI AKITOKA MAHAKAMANI

Na Daniel Makaka, Ngara

 MKAZI mmoja wa Kata ya Ngara mjini wilaya ya Ngara mkoa wa Kagera, Bw. Philimoni Bunziya alijikuta akishambuliwa na chupa iliyokuwa na kinyesi karibu na nyumbani kwake alipokuwa akitoka mahakamani.

 Tukio hilo limetokea leo Aprili 28 mwaka huu majira ya saa 4 asubuhi  katika mji wa Ngara ambapo Bwana huyo aliposhambuliwa  kwa kutupiwa chupa ya maji iliyokuwa  imetapakaa kinyesi cha binadamu  kwa kupigwa mgongoni kwake  na mtu aliyemfahamu.

Amesema kuwa baada ya kufanyiwa kitendo hicho alichukua chupa hiyo na kuelekea kituo cha Polisi cha mjini Ngara kwa lengo la kipata msaada zaidi  juu ya swala hilo  na baada ya kufika hapo alitoa maelezo na kupewa RB.NAMBA.NGR/IR/337/2014. Kw ajili ya mtu huyo aweze kukamatwa na kujibu tuhuma zinazomkabili.

 Bw. Bunziya amesema kuwa tangu aliporipoti Polisi hadi sasa mtu huyo aliyemfanyia kitendo hicho ambaye alimtaja kwa jina kuwa ni Bw, Mohamed Khalfani ambaye ana asili ya kiarabu mkazi wa Ngara mjini hajachukuliwa hatua yoyote ya kukamatwa au kuhojiwa juu ya tuhuma hizo na amelitupia lawama Jeshi la Polisi wilaya ya Ngara kwa kushindwa kuchukua hatua.

Jeshi la Polisi Mkoani Mbeya limewafukuza kazi Askari 6 wa kikosi cha Usalama barabarani

Jeshi la Polisi Mkoani Mbeya limewafukuza kazi Askari 6 wa kikosi cha Usalama barabarani  Wilaya za Rungwe na Mbeya kwa tuhuma za kuomba,kushawishi na kupokea rushwa.

Kamanda wa Polisi  Mkoani Mbeya  Ahmed Msangi amewatataja Askari hao kuwa ni pamoja na waliokuwa wakifanya kazi wilaya ya Mbeya barabara ya Mbeya/Tunduma eneo la Songwe ni Copro Jonson,PC Rymond na PC Simon.

Msangi amewataja wengine kuwa ni pamoja Sajini Hezron,PC Shaban na PC Kajolo ambao walikuwa wanafanya kazi barabara ya Mbeya/Rungwe wilaya ya Rungwe.

Askari hao walikuwa wanakabiliwa na makosa hayo na walifikishwa katika Mahakama ya Kijeshi na Hukumu kutolewa Aprili 24 mwaka huu na kupewa adhabu ya kufukuzwa kazi.

Aidha Kamanda Msangi amesema Jeshi lake halitasita kuwafukuza kazi Askari watakaokwenda kinyume na maadili ya Jeshi la Polisi na Askari yeyote atakayekwenda kinyume atakumbwa na adhabu kali ikiwa ni pamoja na kufukuzwa kazi au kufikishwa mahakamani.

Rais Kikwete akabidhi vitabu kwa maktaba Jeshini

-Rais Dkt.Jakaya Mrisho Kikwete akikabidhi vitabu 2069  kwa uongozi  wa Jeshi(JWTZ) kwa matumizi katika maktaba mablimbali za jeshi nchini.Wapili kushoto ni Mkuu wa Majeshi Jenerali Davis Mwamunyange na Watatu kushoto ni Mnadhimu Mkuu Jeshini Luteni Jenerali Samuel Ndomba.

-Rais Dkt.Jakaya Mrisho Kikwete akizungumza na viongozi na makamanda waandamizi wa Jeshi la Wananchi wa Tanzania wakati wa hafla ya kukabidhi vitabu 2069 kwa ajili ya matumizi katika maktaba za jeshi.Vitabu hivyo ni mchango binafsi wa Rais Katika kuboresha mafunzo ya kisasa jeshini(picha na Freddy Maro).

MAMA SHUJAA WA CHAKULA WAINGIA RASMI KIJIJI CHA MAISHA PLUS

Profesa Anna Tibaijuka Waziri wa Nyumba Ardhi na  maendeleo ya Makazi wa pili kutoka kulia pamoja na Babu wa Kijiji cha Maisha Plus akiwasalimia akina mama Shujaa wa Chakula ambao wameingia Rasmi Kijiji cha Maisha Plus Jana usiku.

Akina Mama Shujaa wa Chakula Wakiwa wanamuimbia wimbo maalum Profesa Anna Tibaijuka Waziri wa Nyumba Ardhi na  maendeleo ya Makazi mara baada ya kuwasili Kijijini hapo.

Hawa ndio Mama Shujaa wa Chakula ambao jana usiku wameingia Rasmi katika Kijiji Cha Maisha Plus

Baadhi ya wageni waalikwa waliofika kushuhudia Kukaribishwa Rasmi kwa Mama shujaa wa Chakula katika Kijiji cha Maisha Plus.

Mshindi wa Shindano la Mama Shujaa wa Chakula 2012 Sister Anna Mwasu wa tatu kutoka kulia akiwa katika sherehe za kuwakaribisha mama Shujaa wa Chakula ambao  wameingia rasmi katika Kijiji cha Maisha Plus Jana.

Utata kuhusu Heroine iliyonaswa Kenya

Hiki ni kiwango kikubwa cha dawa za kulevya kuwahi kunaswa Afrika

Serikali ya Kenya imelalamika kuwa haikupewa taarifa zozote kuhusu dawa za kulevya zilizonaswa na wanajeshi wa Australia wanaoshika doria katika ufuo wa bahari Hindi , ufukweni mwa Kenya.

Hii ilijitoza katika mkutano kati ya waziri wa mambo ya nje wa Kenya Amina Mohammed na balozi wa Australia nchini humo Bwana Geof Tooth aliyetakiwa na serikali kuelezea kuhusu tukio la kunaswa kwa dawa hizo.

Dawa hizo zenye uzani wa kilo 1,023 ambazo ni kiwango kikubwa cha dawa za kulevya kuwahi kunaswa katika pwani ya Afrika, ni za thamani ya dola milioni 289.
Zilinaswa Ijumaa zikiwa zimepakiwa katika mifuko 46 ambayo ilikuwa imefichwa kwenye mifuko ya Simiti
Ubalozi wa Australia umekanusha madai kuwa, manowari yake ya kijeshi iliingia katika eneo la bahari inayomilikiwa na Kenya na kunasa shehena ya dawa hizo.
Kwa mujibu wa taarifa iliyotumwa kwa vyombo vya habari, ubalozi huo umesema kuwa madawa hayo ya kulevya yalinaswa katika eneo la bahari inayomilikiwa na jamii ya kimataifa na kuwa hakuna manowari yake iliyoingia Kenya.
Pia yalinaswa katika operesheni dhidi ya biashara ya kimataifa ya dawa za kulevya. Taarifa zilisema kuwa dawa hizo ziliharibiwa kwa kumwagwa baharini.
Taarifa hiyo imesema kuwa tukio hilo halina uhusiano wowote na Kenya na kuwa habari zilizochapishwa na vyombo vya habari nchini Australia kuwa madawa hayo yalinaswa karibu na kenya ilikuwa kutoa taswira tu ya eneo la tukio.

Shehena kubwa kuwahi kunaswa

Wiki iliyopita wanajeshi wa Australia walinasa mashua moja iliyokuwa imesheheni zaidi ya tani moja ya madawa ya Heroine katika bahari ya hindi na taarifa hiyo inasema kuwa mashua iliyonaswa haikuwa na usajili wowote.
Ubalozi huo umekariri kuwa haukuhusika na operesheni hiyo ambayo ilifanywa na wanajeshi wa majini wa Australia wanaoshika doria katika bahari ya hindi chini ya mkataba wa kimataifa wa kupambana na uharamia na uhalifu katika bahari ya hindi.
Hata hivyo ubalozi huo umesema kuwa shirika la kimataifa la kupambana na uharamia na uhalifu CMF litaendelea kushirikiana na serikali ya Kenya hasa katika kuelezea zaidi operesheni yake.
Tangu shehena hiyo kukamatwa kumekuwa na shauku miongoni mwa maafisa wa ulinzi na wale wa wizara ya mambo ya nchi za kigeni nchini Kenya kuhusiana na tukio hilo na madai kuwa kenya haikuhusishwa katika operesheni hiyo licha ya kutendeka katika eneo linalosemekana kuwa lake.chanzo Bbc

Mashamba ya Balali kugawanywa kwa wananchi

Aliyekuwa Gavana wa Benki Kuu ya Tanzania (BoT), marehemu Daudi Balali.PICHA|MAKTABA

Kilombero. Halmashauri ya Wilaya ya Kilombero imeamua kufuta miliki ya mashamba yote makubwa yasiyoendelezwa na taratibu mpya zinafanyika ili kuyamilikisha kwa wananchi.

Kati ya mashamba hayo, matatu ni ya aliyekuwa Gavana wa Benki Kuu ya Tanzania (BoT), marehemu Daudi Balali na aliyekuwa Katibu Mkuu wa Klabu ya Simba, Marehemu Priva Mtema yaliyoko katika vijiji vya Lungungole na Merera ambayo wananchi wameshayavamia na kuendeleza shughuli za kilimo.

Akizungumza katika kikao cha Baraza la Madiwani la Halmashauri ya Kilombero juzi, Mwenyekiti wake, David Ligazio alisema taratibu za kuomba hatimiliki za mashamba hayo zifutwe zinaendelea.

Ligazio alisema wamiliki wa mashamba hayo wameshapewa notisi na orodha yao imeshawasilishwa kwa Kamishna wa Ardhi ili aridhie kufutwa kwa hati za mashamba hayo.

Alisema uamuzi wa kuyataifisha umekuja baada ya halmashauri kubaini kuwa yamekuwa hayaendelezwi na hivyo kusababisha maeneo hayo kuwa misitu wakati wananchi wanahitaji maeneo ya kulima.

Alisema ukaguzi wa kumbukumbu umeonyesha kuwa idadi kubwa ya wamiliki hao hawapo wilayani Kilombero na maeneo hayo yanamilikiwa kwa hati za muda mrefu bila kufuata taratibu.

Alisema utaratibu unaofanyika sasa ni kuwaagiza watendaji na wenyeviti wa vijiji, kuanisha ukubwa halisi wa mashamba hayo ili kurahisisha kazi ya kuyagawa kwa wananchi katika siku zijazo.

Akizungumzia hatua hiyo, Waziri wa Ardhi, Nyumba na Maendeleo ya Makazi, Profesa Anna Tibaijuka alisema taarifa hiyo haijafika ofisini kwake, lakini akabainisha kuwa kuna watu wengi wanaomiliki ardhi kubwa mkoani Morogoro bila kuwa na hatimiliki wala kufuata taratibu huku wakiwa wanawatisha wananchi.

Aliwataka wananchi hao kujisimamia, waondoe unyonge na kuzingatia taratibu za ardhi, kwamba inatakiwa kugawiwa kupitia mkutano mkuu wa kijiji, vinginevyo wana haki ya kujitwalia maeneo hayo na kufanya maendeleo mengine.

“Kuna matukio unakuta mtu anakaa na mwenyekiti wa kijiji na kujifungia, wanajadili wenyewe na kugawiana maeneo ya kijiji bila kuwashirikisha wananchi, hawa wananchi wanatakiwa kukataa hali hiyo,” alisema.

Maeneo yanayogawiwa

Mwenyekiti wa halmashauri aliyataja maeneo mashamba yanayotakiwa kugawanywa kwa wananchi na ukubwa wake katika mabano kuwa ni Lungongole (ekari 375) na Merea (ekari 373). Pia kuna shamba lenye ukubwa wa hekta 887 linalomilikiwa na Balali, ekari 491 zinazomilikiwa na George Teni katika Kijiji cha Kisegese na ekari 500 zinazomilikiwa na Aloyce Lyenga katika Kijiji cha Idete.

MKUTANO WA DHARULA WA 29 WA BARAZA LA MAWAZIRI WA JUMUIYA YA AFRIKA MASHARIKI WAENDELEA LEO JIJINI ARUSHA

Waziri wa Jumuiya ya Afrika Mashariki,Mh. Samuel Sitta akiwa katika kikao cha Nchi cha ushauri na makatibu wakuu wa Wizara hawapo pichani leo asubuhi kujiandaa na Mkutano wa Baraza la Mawaziri wa Jumuiya ya Afrika Mashariki baadae leo.

Katibu Mkuu Wizara ya Ushirikiano wa Afrika Mashariki Bi. Joyce Mapunjo katikati na Naibu Katibu Wizara ya Fedha Profesa Adoft F. Mkenda pamoja na Naibu Katibu Mkuu Wizara ya Ushirikiano wa Afrika Mashariki wa kwanza kushoto ndugu Amatius C. Msole wakichangia ushauri leo asubuhi katika kikao cha kujiandaa na Mkutano wa Baraza la Mawaziri wa Jumuiya ya Afrika Mashariki baadae leo. 

Waziri wa Jumuiya ya Afrika Mashariki,Mh. Samuel Sitta pamoja na Naibu Waziri wa Fedha Mhe.Adam Malima akiwa katika kikao cha Nchi cha ushauri na makatibu wakuu wa Wizara hawapo pichani leo asubuhi kujiandaa na Mkutano wa Baraza la Mawaziri wa Jumuiya ya Afrika Mashariki baadae leo.

Wataalamu Wazara ya Fedha, Wizara ya Ushirikiano Wa Afrika Mashariki na Wizara ya Viwanda na Biashara,wakiwa katika kikao cha Nchi cha ushauri na makatibu wakuu wa Wizara hawapo pichani leo asubuhi kujiandaa na Mkutano wa Baraza la Mawaziri wa Jumuiya ya Afrika Mashariki baadae leo.

Wataalamu Wazara ya Wizara ya Ushirikiano wa Afrika Mashariki wakiwa katika kikao cha Nchi cha ushauri na makatibu wakuu wa Wizara hawapo pichani leo asubuhi kujiandaa na Mkutano wa Baraza la Mawaziri wa Jumuiya ya Afrika Mashariki baadae leo.

Mwanafunzi wa chuo afia chumbani wakati akijaribu kutoa mimba

 
Mwanafunzi wa Eden Hilling College aliyetajwa kwa jina la Atu Gabriel amefariki akidaiwa kujaribu kutoa mimba kwa kunywa vidonge.Kwa mujibu wa Kamanda wa Polisi mkoa wa Pwani (RPC), Orech Mtei, katika kuthibitisha kutokea kwa tukio hilo, alisema Jumamosi April 26 mwili wa Atu ulikutwa katika chumba cha mwanaume aliyefahamika kwa jina la Hafidhi ambaye anadaiwa kuwa mpenzi wake.Kamanda Mtei ameeleza kuwa polisi walikuta mwili wa marehemu ukiwa karibu na vidonge alivyotumia huku akitokwa damu nyingi sehemu za siri na kwamba polisi wanaendelea kumtafuta mtuhumiwa Hafidhi ambaye alidaiwa kukimbia baada ya tukio."Ni kweli tukio hilo limetokea Jumamosi Aprili 26 mwaka huu eneo la Kwa Mfipa baada ya jeshi letu kutaarifiwa kuwepo kwa mwili huo na polisi walipofika na kufanya uchunguzi wake tulibaini marehemu alifariki dunia kaika jaribia la utoaji wa mimba.....hata hivyo mwili bado upo Hospitalini Tumbi kwa ajili ya uchunguzi zaidi," alisema Kamanda Mtei.

Kamanda Mtei alisema mara baada ya kutokea kwa tukio hilo, kijana aliyetajwa kwa jina la hafidhi ambaye inadaiwa alikuwa mpenzi wake alitokewa eneo la tukio na jeshi hilo kwa sasa linamtafuta kwa ajili ya mahojiano zaidi kabla ya kufikishwa mahakamani.

"Baada ya tukio mtuhumiwa alikimbia na hadi sasa bado haijulikana alipo, jeshi letu linaendelea kumtafuta popote alipo na mara baada ya kumpata tutamuhoji na baadae atafikishwa mahakamani kwa ajili ya hatua za kisheri," alisema Mtei.

Secretary wa Eden Hilling College ambaye hakutaka jina lake litajwe alieleza kuwa mwanafunzi huyo aliaga chuoni hapo siku ya Alhamisi kuwa anakwenda katika hospitali ya Mwananyamala kumuuguza wifi yake na kwamba wamesikitishwa sana na habari ya kifo cha mwanafunzi huyo.

"Aliaga vizuri tu siku ya Alhamisi kwamba anauguliwa na anakwenda kumuuguza wifi yake aliyelazwa katika Hospitali ya Mwananyamala lakini Jumamosi ndio tukapokea taarifa za kifo chake! Hii inaonyesha huyu mwanafunzi aliudanganya uongozi wa Chuo kitu ambacho hakikuwa sawa kabisa," Alisema.

AUAWA NA KUCHOMWA MOTO MBAGALA KWA TUHUMA ZA WIZI

Kijana Mmoja ambaye jina lake halikufahamika mara moja Amewawa kwa Tuhuma za Wizi Huko mbagala mtaa wa kwa Mwarabu.Wananchi wam,eendelea Kujichukulia sheria Mkononi . 

Wananchi wa eneo la mbagala kwa mwarabu wamefanikiwa kumuuua mwizi kwa kumchoma moto 

            wananchi wakiangalia maiti ya mwizi

NACTE YATOA UTARATIBU MPYA KUOMBA VYUO KWA 2015

Baraza  la Taifa la Elimu ya Ufundi (Nacte) limesema kuanzia mwaka huu wa masomo, wanafunzi wanaotaka kujiunga na masomo ngazi ya astashahada na stashahada ya utabibu na ualimu, watatakiwa kuomba katika mfumo wa pamoja wa mtandao wa Central Admission System (CAS) na siyo vyuoni kama ilivyozoeleka.
Katibu Mtendaji wa Nacte, Dk. Primus Nkwera, alitoa taarifa hiyo jijini Dar es Salaam mwishoni mwa wiki wakati akizungumza na waandishi wa habari juu ya maazimio mbalimbali ya kikao cha 56 cha baraza hilo.
Alisema miaka ya nyuma wanafunzi wa utabibu na ualimu waliotaka kujiendeleza kimasomo, waliomba moja kwa moja vyuoni hali ambayo ilisababisha kuwapo kwa mgongano wa wanafunzi na huku baadhi vikidahili wasio na sifa.
“Mfumo huo utatuwezesha siku ya mwisho ya kuomba waweze kutoa majina waliochaguliwa ili kusiwe na mwingiliano na zoezi hilo litafanywa na Nacte...tumefungua maombi hadi Julai 31, mwaka huu,” alifafanua.
Alisema udahili wa wanafunzi kwa ngazi ya astashahada, stashahada na shahada, umeanza Baraza limetoa usajili wa muda mfupi na mrefu kwa vyuo mbalimbali 17.
Alisema usajili wa kudumu umetolewa kwenye vyuo sita huku usajili wa wa miaka mitano kituo kina uwezo wa kuendesha mafunzo.
Dk. Nkwera alisema usajili wa muda ambao ni wa miaka miwili umetolewa kwa vyuo 11, huku Nacte ikiandaa mitaala 17 itakayotumika kwenye vyuo mbalimbali ili kuepuka kwa vyuo kuwa na mitaala inayojirudia rudia na viwango vinavyotofautiania.
Alisema vyuo viwili vilipata usajili wa maandalizi, haviruhusiwi kuchukua wanafunzi kwa sababu havijafikia kiwango cha kutenda kazi.
“Kwa vyuo vya afya vilivyopewa usajili kabla ya kuanza vinatakiwa kupata mitaala inayotolewa na Nacte na kwenda Wizara ya Afya na Ustawi wa Jamii ili kujiendesha kwa vigezo na masharti ya uendeshaji wa vyuo hivyo.
Vyuo 21 vyafutiwa usajili
Wakati huo huo, katibu huyo alisema vyuo 21 vimefutiwa usajili wake kwa kipindi cha miaka mitatu kutokana na kushindwa kufikia vigezo vinavyotakiwa.
Kwa mujibu wa Dk. Nkwera, kuna jumla ya vyuo 372 na kwamba vilivyofutiwa vilishindwa kujiendedsha kwa mujibu wa sheria na taratibu.
Alisema vyuo vingi vilivyofutiwa vipo jijini Dar es Saalam na vina msongamaono mkubwa wa wanafunzi, kuanzisha kozi zisizo na kibali, kudahili wanafunzi wasio na sifa na kutokuwa na majengo.
Mkurugenzi wa Mafunzo ya Maendeleo ya Rasilimali Watu Wizara ya Afya na Ustawi wa Jamii, Dk. Otilia Gowelle, alisema Mfuko wa Dunia na Taasisi ya Benjamin Mkapa, watatoa udhamini kwa wanafunzi 1,401 na kiasi cha Shilingi bilioni mbili zimetengwa kwa mwaka huu.
Alisema kwa mwaka huu wanatarajia kudahili wanafunzi 6,255 na watakaopewa ufadhili ni wale ambao wataingia mkataba wa kwenda kufanya kazi kwenye maeneo ya vijijini yenye upungufu baada ya kumaliza masomo yao.

RATIBA YA KAMATI ZA BUNGE LA JAMHURI YA MUUNGANO WA TANZANIA

Ratiba Ya Kamati Ya Kudumu Ya Bunge Ya Ardhi

PICHA::MWIGULU NCHEMBA AZINDUA SHINA LA CCM WASHINGTON DC

Mh:Mwigulu Nchemba Naibu Katibu Mkuu CCM-Bara akiwasili Ukumbini hapa Maryland kufungua Shina la Chama cha Mapinduzi hii leo.

 

 Mh:Mwigulu Nchemba akifurahia Jambo na Mwenyekiti wa Jumuia ya Wanawake-DMV wakati akiwasili kwenye Uzinduzi wa Shina la CCM-Maryland.

Naibu katibu Mkuu CCM-Bara Mh:Mwigulu Nchemba akiwapungia Mkono Wana-CCM waliofika kwenye Ufunguzi wa Shina la CCM-Maryland hapa Marekani.

 Comrade Mwigulu Nchemba akisalimiana na

Wanachama wa Chama cha Mapinduzi waliofika kwenye tukio la Ufunguzi wa Shina la CCM-Maryland.

 

Katibu Mwenezi wa Chama Cha Mapinduzi na MC wa Shughuli ya Ufunguzi wa Shina la CCM akiwajibika kuweka ratiba sawa Ukumbini,Makada watiifu wa Chama cha Mapinduzi hapa Maryland.

Watanzania na Wana-CCM wakiwa tayari Kuitumikia Nchi yao na Chama chao.

Wadau wakipata Ukodak.

 Mh:Mwigulu Nchemba akipokea kadi ya aliyekuwa Mwanachama wa CHADEMA ambaye ameamua Kuachana na Chama hicho na Kujiunga na Chama cha Mapinduzi,

Loveness Mamuya kada Mtiifu wa CCM na Muasisi wa harakati za CCM hapa Marekani akiwasalimia wanachama wa Chama cha Mapinduzi waliofika kwenye Uzinduzi wa Shina la CCM Maryland.

 Mwenyekiti wa CCM Kwa Watanzania waliopo DMV akizungumza na Wana-CCM Umuhimu wa Kujiunga na Chama cha Mapinduzi,Pia amezungumzia Maadili ya Watanzania wanaoishi nje ya Nchi hususani Marekani Kutukana Viongozi Mitandaoni"Huo sio Utamaduni Wetu Watanzania" alisema.

Wana-CCM Wakipata Ukodak.

Hapa ni Mwendo wa CCM nambari One.

 Makada Watiifu wa Chama cha Maopinduzi hapa Maryland.