TFDA YATOA TAHADHARI YA KUWEPO KWA VIPODOZI VYENYE VIAMBATO VILIVYOPIGWA MARUFUKU NA SERIKALI

 Mkurugenzi Mkuu wa Mamlaka ya Chakula na Dawa (TFDA), Hiiti Sillo (kushoto), akizungumza katika mkutano na waandishi wa habari Makao Makuu ya TFDA Dar es Salaam , wakati akitoa tahadhari ya uwepo katika soko wa vipodozi vyenye viambato vilivyopigwa marufuku na Serikali. Kulia ni Mkurugenzi wa Dawa  na Bidhaa Nyongeza, Fimbo Mitangu.

 Mkurugenzi wa Dawa  na Bidhaa Nyongeza, Fimbo Mitangu (kushoto), akizungumza katika mkutano huo huku akionesha moja ya kopo lenye kipodozi vilivyopigwa marufuku. Kulia ni Kaimu Mkurugenzi Uendelezaji Huduma wa TFDA, Chrispin Severe 

 Mkurugenzi wa Usalama wa chakula, Raymond Wigenge (kushoto) na Mkurugenzi wa Huduma za Maabara wa TFDA, Charys Ugullam (kulia), wakiwa kwenye mkutano huo na wanahabari.

Wanahabari wakichukua taarifa hiyo.

1.            MAMLAKA ya Chakula na Dawa (TFDA) ni Wakala wa Serikali ulio chini ya Wizara ya Afya na Ustawi wa Jamii wenye jukumu la kudhibiti ubora, usalama na ufanisi wa bidhaa aina ya chakula, dawa, vipodozi na vifaa tiba.

2.            TFDA inautaarifu umma kuwa kupitia mfumo wake wa ufuatiliaji ubora na usalama wa bidhaa kwenye soko, imebaini uwepo wa vipodozi vyenye viambato vilivyopigwa marufuku aina ya “steroids” zinazojulikana kitaalam kama “clobetasol propionate”, “hydrocortisone” na “triamcinolone”.

3.            Jumla ya Vipodozi aina tofauti 36 vya jamii ya krimu (creams) na losheni (lotion) vimebainika kuwa na viambato hivyo vilivyopigwa marufuku baada ya kufanya uchunguzi wa kina wa matoleo 57 yaliyochukuliwa kwenye soko na viwanda vilivyotengeneza.

4.            Vipodozi hivyo vimetengenezwa na makampuni manne (4) yaliyoko hapa nchini na kiwanda kimoja (1) kilichoko nje ya nchi kama ifuatavyo:-

Na.	Jina la kiwanda	Idadi ya vipodozi	Idadi ya matoleo
1.	Chemi & Cotex Industries Limited - Dar es Salaam	6	7
2.	Mamujee Products Limited - Tanga	11	20
3.	Tanga Pharmaceutical & Plastics Limited - Tanga	15	24
4.	Tridea Cosmetics Limited - Dar es Salaam	3	5
5.	Johnson & Johnson (Pvt) Ltd, Rattray Road, East London, South Africa	1	1
	Jumla	36	57

5.            Steroids aina ya “clobetasol propionate”, ‘hydrocortisone’’ na “triamcinolone” hutumika kama dawa kutibu magonjwa mbalimbali ya ngozi yajulikanayo kitaalam kama eczema, herpes labialis, psoriasis, contact dermatitis, alopecia areata, vitiligo, lichen sclerosus, lichen planus na mycosis fungoides. Steroids hizi hazitakiwi kutumika zaidi ya wiki mbili na lazima mgonjwa apate ushauri wa daktari kabla ya kutumia dawa hizi.

6.            Baadhi ya madhara yanayotokana na kutumia dawa hizi ni pamoja na muwasho na kuvimba kwa ngozi (allergic contact dermatitis), ngozi kuwaka moto (burning sensation), ngozi kukatikakatika (skin cracking), ngozi kubabuka (fissuring) ngozi kukosa chembembe aina ya melanin inayoleta kinga na hivyo kuifanya ngozi kuwa nyeupe isivyo kawaida (hypopigmentation), madhara kwenye mifupa (osteoporosis), kizunguzungu (dizziness), ngozi kukauka (skin dryness), shinikizo la damu kwenye macho (glaucoma), vinyweleo vya ngozi kupata athari (folliculitis), kuwashwa mara kwa mara (excessive itching, pruritus, erythema and irritations), vidole kufa ganzi (numbness of fingers), ngozi kusinyaa (skin atrophy) na ngozi kubanduka (skin peeling/maceration). Madhara mengine ni pamoja na ngozi kuwa nyekundu (skin redness), kusikia kichefuchefu (nausea), kichwa kuuma (headache), kushindwa kupata usingizi (insomnia), kutoka jasho jingi (sweating), kupata chunusi kubwa kwenye ngozi (acne), kuchoka (fatigue), kuongezeka uzito (weight gain), mapigo ya moyo kutoenda sawa (uneven heartbeats) na kuona maluweluwe (blurred vision).

7.            Kufuatia hali iliyojitokeza na kwa kuzingatia madhara yanayoweza kusababishwa na matumizi ya steroids kwa muda mrefu, TFDA imechukua hatua zifuatazo:

a.      Kuzuia kwa muda wa miezi sita (6) utengenezaji wa vipodozi aina ya krimu, losheni na jeli kwenye viwanda vinne (4) vilivyohusika.

b.      Kuwaelekeza wenye viwanda vilivyohusika kuviondoa vipodozi vilivyokutwa na steroids kwenye soko na kuviteketeza kwa gharama zao wenyewe.

c.       Kufuta usajili wa vipodozi 31 vilivyokuwa vimesajiliwa.

d.     Kuwaelekeza Mameneja wa Ofisi za Kanda za TFDA kufanya ukaguzi katika maeneo yao kwa kushirikiana na Ofisi za Halmashauri ili kuondoa katika soko vipodozi vyote vilivyohusika.

8.            Pamoja na hatua hizo, TFDA inatoa maelekezo yafuatayo:-

a.      Wananchi wote wasitumie vipodozi husika kwa kuwa vina madhara ya kiafya. Wananchi wanaaswa kuangalia lebo za vipodozi walivyonavyo majumbani na wakiona vina majina yaliyoainishwa waache kutumia vipodozi hivyo mara moja.

b.      Wasambazaji na wauzaji wote kurudisha vipodozi vilivyohusika kwa watengenezaji au kwa waliowauzia ili hatua za uteketezaji ziendelee.

9.            TFDA inaendelea kufuatilia vipodozi vingine vyote ili kujiridhisha na ubora na usalama wake kwa watumiaji. Vile vile itaendelea na kazi yake iliyopewa ya kulinda na kudumisha afya ya jamii kwa kuhakikisha bidhaa aina ya chakula, dawa, vipodozi na vifaa tiba zinazotengenezwa hapa nchini au kuingizwa kutoka nje ya nchi ni bora, salama na zenye ufanisi unaotakiwa.

10.        TFDA itawachukulia hatua kali za kisheria wale wote wanaojihusisha na uvunjaji wa Sheria ya Chakula, Dawa na Vipodozi, Sura 219 na inawaomba wananchi wote kuendelea kutoa taarifa pale wanapobaini uwepo wa bidhaa (chakula, dawa, vipodozi na vifaa tiba) duni au bandia kwenye soko la Tanzania. 

ORODHA YA VIPODOZI VILIVYOBAINIKA KUWA NA VIAMBATO VILIVYO PIGWA MARUFUKU

Na.	Jina la kipodozi	Namba ya usajili	Toleo	Tarehe ya kuishamatumizi	Sehemusampuliilipochukuliwa	Aina ya kiambatokilichokutwa
	Chemi&Cotex Industries Limited, Dar es Salaam
1.	Lovely Body Cream - Lemon	TAN15 CP 0095	12&16	Feb-18	Kwenye soko&Kiwandani	ClobetasolProprionate
2.	Baby Soft Body Lotion	Haijasajiliwa	08	Dec-16	Kwenye soko	ClobetasolProprionate
3.	Siri Moisturizing  Cream- Cocoa Butter	TAN13 CP 3118	26	Jan-18	Kiwandani	ClobetasolProprionate
4.	Siri Moisturizing  Cream- Lemon	TAN13 CP 3120	03	May- 18	Kiwandani	ClobetasolProprionate
5.	Lovely Body Cream - Lemon	TAN15 CP 0094	16	Mar-18	Kiwandani	ClobetasolProprionate
6.	Lovely Body Cream - Papaya	TAN15 CP0096	10	May-18	Kiwandani	Hydrocortisone
	Mamujee Products Limited, Tanga
7.	Beauty Care Aloe Vera Beauty Cream	Haijasajiliwa	00283	Sep-15	Kwenye soko&Kiwandani	ClobetasolProprionate
8.	BOSS Hand & Body Lotion	TAN 15 CP 0300	10/0077258	Apr-19	Kwenye soko	ClobetasolProprionate
9.	Beauty Care Strawberry Beauty Cream	TAN 13 CP 3559	513	Feb-17	Kwenye soko&Kiwandani	ClobetasolProprionate
10.	Beauty Care Cucumber Beauty Cream	TAN 13 CP 3694	512	Jul-16	Kwenye soko&Kiwandani	ClobetasolProprionate
11.	BOSS Hand & Body Cream	TAN 14 CP 4966	10/0077258	Jul-16	Kwenye soko&Kiwandani	ClobetasolProprionate
12.	Ella Moisturizing Strawberry Hand & Body Lotion	TAN 13 CP 3531	071252	Jun-16	Kwenye soko&Kiwandani	ClobetasolProprionate
13.	Beauty care – Milk & Honey beauty cream	TAN 13 CP 3413	513, 512	Feb-17	Kwenye soko&Kiwandani	ClobetasolProprionate& Hydrocortisone
14.	Stella moisturizing & cleansing cream	TAN 15 CP 0299	10/0077258	Feb-15	Kiwandani	ClobetasolProprionate& Hydrocortisone
15.	Podoa body cream	TAN 15 CP 0294	006752, 513	Aug-17	Kwenye soko&Kiwandani	ClobetasolProprionate& Hydrocortisone
16.	Beauty care – carrot beauty cream	Haijasajiliwa	00277	Aug-17	Kiwandani	ClobetasolProprionate
17.	Ella Moisturizing carrot Hand & Body Lotion	TAN 13 CP 3695	071252	Dec-18	Kiwandani	ClobetasolProprionate
Tanga Pharmaceutical & Plastics Limited, Tanga
18.	Star Rose Lotion	TAN 09 CP 0006	01154	Dec-17	Kwenye soko	ClobetasolProprionate
19.	Goldy Beauty Cream	TAN 14 CP 4890	0539, 0633, 05210	Apr-18	Kwenye soko&Kiwandani	ClobetasolProprionate
20.	Skala (Aloe Vera Body Lotion)	TAN 14 CP 4758	02182	Jan-18	Kwenye soko	ClobetasolProprionate
21.	Skala Carrot Body cream	TAN 13 CP 3887	1273, 0688	Nov-17	Kwenye soko&Kiwandani	ClobetasolProprionate
22.	CITIZEN Moisturizing Cream	TAN 09 CP 0391	0294, 0694	Jan-18	Kwenye soko&Kiwandani	ClobetasolProprionate
23.	SkalaFor Men Body Lotion	Haijasajiliwa	0454	Mar-18	Kwenye soko	ClobetasolProprionate
24.	VESTLINE Body Lotion	TAN 09 CP 0001	10182	Sep-17	Kwenye soko	ClobetasolProprionate
25.	Skala Papaya Body Cream	TAN 13 CP 3888	04106	Mar-18	Kwenye soko	ClobetasolProprionate
26.	Baby & Me Baby Cream	TAN 13 CP 3912	01117	Dec-17	Kwenye soko	ClobetasolProprionate
27.	Baby & Me Baby Lotion	TAN 13 CP 3882	0220	Jan-17	Kwenye soko	ClobetasolProprionate
28.	Star Rose Advanced Moisturizing Cream	TAN 14 CP 4691	05169	Apr-18	Kiwandani	ClobetasolProprionate
29.	Star Rose Advanced Moisturizing Cream	TAN 14 CP 4691	0602	May-18	Kiwandani	ClobetasolProprionate
30.	Skala Papaya body cream	TAN 13 CP 3888	0662, 0691, 04106	May-18	Kwenye soko&Kiwandani	ClobetasolProprionate
31.	Skala aloe vera body cream	TAN 13 CP 3179	0622, 0657	May-18	Kiwandani	ClobetasolProprionate
32.	Freshia body lotion	TAN 09 CP 0002	03156, 10143	Feb-18	Kiwandani	ClobetasolProprionate& Hydrocortisone
Tridea Cosmetics Limited, Dar es Salaam
33.	Cocoa Butter Cream	TAN 11 CP 0717	29, 08	Nov-17	Kwenye soko	ClobetasolProprionate
34.	White Musk Hydrating Lotion	TAN 12 CP 1926	101, 55	Oct-17	Kwenye soko	ClobetasolProprionate
35.	Aloe Vera Softy Body Cream	TAN 12 CP 1935	18	Jun-18	Kiwandani	ClobetasolProprionate
Johnson & Johnson (Pvt) Ltd, Rattray Road, East London, South Africa
36.	Johnson’s baby lightly fragranced aqueous cream	Haijasajiliwa	0554E25	Mar-17	Kwenye soko	Triamcinolone

(Imeandaliwa na mtandao wa www.habari za jamii.com-simu namba 0712-727062)