GREDA LAGONGA MWENDESHA PIKIPIKI MJINI MUSOMA

Ajali mbaya iliyohusisha Greda na Bodaboda imetokea alasiri hii mjini Musoma katika makutano ya Barabara ya Shabani na Bus Stop. Ajali hiyo imepelekea abiria aliyekuwa amepakiwa katika pikipiki hiyo kujeruhiwa vibaya maeneo ya tumbo baada ya kuburutwa na mashine hiyo ya kutengenezea barabara.Hata hivyo limetokea gari la shirika la umeme Tanesco na kumchukua majeruhi huyo na kumkimbiza katika hospitali ya Mkoa wa Mara. Mpaka mwandishi wetu anaondoka eneo la tkio kulikuwa na sintofahamu ya ni wapi dereva wa pikipiki na greda hilo walipoelekea kwani mashuhuda wa tukio hilo wanasema dereva wa pikipiki alikimbia punde tu ajali ilipotokea.Pichani ni Mwanamke ambaye alikuwa abiria wa Pikipiki hiyo akiwa chini baada ya kupata ajali hiyo.

Pikipiki iliyogongwa ikiwa katika eneo la tukio.

Picha na Libeneke la  www.wotepamoja.com