Ruvu shooting yawapiga Mkwara Yanga

Na Baraka Mpenja, Mbeya

Maafande wa Ruvu Shooting wamejipanga vizuri kukabiliana na Yanga mchezo wa ligi kuu Tanzania bara jumamosi ya mwishoni mwa wiki hii.

 Msemaji wa klabu hiyo Masau Bwire amesema vijana wake wapo katika morali kubwa na kocha mkuu wa klabu hiyo Charles Mkwasa anawapa mazoezi vijana wake kwa ajili ya kuibuka na ushindi.

“Maandalizi yetu ni mazuri, kesho kutwa tunataraji kuwaonesha watanzania kuwa sisi pia twaweza, Yanga ni timu ya kawaida ingawa wanapambwa na vyombo vya habari, lakini wikiendi hii kazi moja tu ni kushinda“. Masau amesema.

 Masau amesema kama yanga wapo kwenye presha ya juu ama chini, watambue kuwa Jumamosi shughuli itakuwa pevu kwani Ruvu shooting wapo makini kuwakabili.