SHIRIKISHO LA NGUMI ZA KULIPWA LA AFRIKA YA MASHARIKI NA KATI LAMPONGEZA THOMAS MASHALI

Bondia Thomas Mashali kulia akiwa amesimama na Kamanda wa Polisi Mkoa wa Kinondoani ACP Charles Kinyela, Rais wa Shirikisho alNgunu la ECAPBA Onesmo Ngowi na Mbunge wa Kinondini Idda Azan.

Shirikisho la Ngumi za Kulipwa la Afrika ya Mashariki na Kati (ECAPBA) limempongeza bondia Mtanzania Thomas Mashali kwa kushinda ubingwa wa ECAPBA katika uzito wa kati (middleweight) uliokuwa wazi jana tarehe 14 Octoba.

 

Mpambano huo uliomkutanisha Thomas Mashali na Sebyala Med toka Uganda na ulifanyika katika ukumbi wa Friends Corner, Manzese katika wilaya ya Kinondoni na kuhudhuriwa na maelfu ya Watanzania pamoja na wageni toka nchi jirani.

 

ECAPBA inatambua na kuenzi kipaji alichoonyesha bondia Thomas Mashali na kumtakia kila la kheri katika maisha yake kama bingwa halali wa ECAPBA.

 

Mpambano huo uliandaliwa na promota Seleman Simunyu na kusimamiwa kwa ushirikiano wa pamoja kati ya TPBC na TPBO. Kamishna wa mpambano alikuwa ni Boniface Wambura ambaye ni Mwenyekiti wa Kamati ya Viwango na Ubingwa wa TPBC, refarii alikuwa Nemes Kavishe ambaye ndiye Katibu Mkuu wa TPBC, Jaji namba 1 alikuwa Mark Hatia wa TPBC, Jaji namna 2 alikuwa aid Chaku ambaye ni Katibu Mkuu Msaidizi wa TPBO na jaji namba 3 alikuwa Sake Mtulya wa TPBO.

 

Bingwa Thomas Mashali anatakiwa akae na ubigwa huo kwa kipindi cha miezi sita na kuutetea kabla kipindi hicho hakijamalizika.

 

Aidha ECAPBA linampongeza Rais wa TPBO Yasin Abdallah (Ustaadh) kwa kazi nzuri aliyofanya kusimamia utaratibu mzima wa mpambano huo!

 

Shirikisho la Nguni za Kulipwa la Afrika ya Mashariki na Kati (ECAPBA) lina wanachama toka nchi zifuatazo: anzania, Kenya, Uganda, Sudan ya Kusini, Ethiopia, Malawi, Rwanda, Burundi, DRC Congo na Zambia.