Askofu Mkuu wa Anglikana avamiwa na majambazi

Askofu Mkuu wa Kanisa la Anglikana nchini, Dk Valentino Mokiwa(pichani), amevamiwa na majambazi nyumbani kwake, Mbezi kwa Yusufu, Kimara jijini Dar es Salaam usiku wa uamkia jana. Katika tukio hilo, mlinzi wa askofu, amejeruhiwa kwa kukatwa mapanga sehemu mbalimbali za mwili ikiwa ni katika kumshinikiza aonyeshe alipo Askofu Mokiwa.

Kwa mujibu wa Askofu Mokiwa, tukio hilo lilitokea jana saa 8:45 usiku ambapo watu hao walikata uzio na kufanikiwa kuingia kwenye uwanja wa nyumba yake.