EXCLUSIVE: ILI ASISAINI YANGA KIEMBA AWAAMBIA SIMBA WAMLIPE MILLIONI 38 - SIMBA WASEMA WAKISHINDWANA NA KIEMBA WATAMSAINI HAMIS KIIZA

Klabu ya Simba SC ipo katika harakati nzito za kuhakikisha haimpotezi kiungo wake tegemeo Amri Kiemba ambaye anakaribia kutua Jangwani kwa wapinzani wao wa jadi mabingwa wa Tanzania bara Yanga.

Taarifa za uhakika ambazo mtandao huu imezipata ni kwamba Simba wameingilia kati dili la uhamisho wa Kiemba kwenda Yanga kwa kufanya mazungumzo na kiungo huyo ambaye alishawahi kuichezea Yanga miaka kadhaa iliyopita.

"Muda huu mchana Simba ipo katka mazungumzo na Kiemba ili kuweza kumshawishi asisaini Yanga na aendelee kubaki Msimbazi, lakini ili kuweza kubaki Simba Kiemba amewaambia Simba inabidi wamlipe mshahara zaidi ya aliokuwa akilipwa kwenye mkataba wake uliopita na pia wampe millioni 38 kama fedha za usajili," kilisema chanzo cha habari.

Pia Simba inajiandaa kumsajili Hamis Kiiza ikiwa Kiemba ataenda Yanga.