RAIS BARACK OBAMA AMTEUWA SUSAN RICE KUWA MSHAURI WA USALAMA WA TAIFA

Balozi wa Marekani Umoja wa Matifa Susan Rice ameteuliwa kuwa mshauri mpya wa Usalama wa taifa wa rais Obama Jumatano, kitendo ambacho kimeleta kasheshe kwa warepublikana ambao hawakufurahishwa hata kidogo hasa ukizingatia ile kashfa ya Benghazi ambapo wamarekani waliuwawa na Balozi Susan Rice kusema kuwa mashambulizi yale hayakupangwa ambapo baadaye ilidhihirika kuwa sio kweli.

Rice alionekana kuwa mtu ambaye angeweza kuchukua wadhifa wa Hilary Clinton, kama waziri wa mambo ya nje , lakini baadae aliondoa jina lake kufuatia ukosoaji wa warepublican. Wadhifa huo wa mshauri wa usalama wa taifa hauhitaji idhini ya senate.

Bi rice atachukuwa nafasi ya Tom Donilon, ambaye anatarajiwa kuondoka mapema mwezi july. Bw. Donilon amekuwa mshauri mkuu wa sera za mambo ya nje kwa rais Obama tangu kuchukuwa mamlaka hayo.

Bw. Obama anasema Wamarekani wanapaswa kumshukuru sana Donilon kwa kusaidia kumaliza vita vya Iraq, kumsaka na kuuawa gaidi wa Al Qaida, Osama bin Laden, na kuborehsa uhusiano na washirika wetu.