Nani kuibuka KINARA kwenye Fainali za EBSS 2013 ??

Hatimaye ndoto ya nyota mpya kuchomoza imewadia … Ni lile shindano maarufu mahususi kwa kumsaka mkali na mwenye kipaji cha kuimba mwaka huu, EBSS linaelekea tamati ambapo yule mkali mmoja atafanikiwa kuondoka na kitita cha shilingi milioni hamsini 50,000,000 kati ya wakali watano watakaokuwa wakichuana …

Fainali hizi zinatarajiwa kufanyika siku ya Jumamosi, tarehe 30 mwezi huu, Novemba pale ufukweni, Escape 1,Mikocheni  ambapo majaji wa shindano hili,Master J na Salama Jabir, wakiongozwa na jaji mkuu Madam Ritha, watahitimisha zoezi baada ya Watanzania na wapenzi wa shindano hili kumaliza upigaji kura kuwachagua washiriki wanaowapenda..

“Patachimbika” ni kauli aliyoiandika mmoja wa majaji wa  shindano hilo, Master J kutoka MJ Records..Ni kweli patachimbika, kwa maana fainali hizi zitawakutanisha washiriki watano bora waliosalia, ambapo ni mmoja tu ndiyo ataondoka na zawadi nono.

Ikumbukwe kuwa, Walter Chilambo ndiye aliyefanikiwa kutwaa taji la mkali wa EBSS 2012 baada ya kuwapiku wahiriki wenzake kwenye tano bora…

Show itaanza saa tatu usiku, na burudani itapambwa na wakali wanaofanya vizuri kwenye muziki wa Tanzania..Safu ya wakali hao itajumuisha Barnaba Boy, Peter Msechu, mkali wa single ya “Mrs. Superstar” Young Killer, Walter Chilambo.

Pia mashabiki wataweza kusugua gaga toka kwa Shaa, Snura naye ndani ya nyumba pamoja na Makomando Group…