JESHI LA POLISI MKOA WA DODOMA LAWASHIKILIA WATU AROBAINI NA TANO KWA MAKOSA MBALIMBALI YA UHALIFU

Kamanda wa Polisi Mkoa wa Dodoma Kamishna Msaidizi Mwandamizi wa Polisi David A. Misime - SACP

Na. Sylvester Onesmo wa Jeshi la Polisi Dodoma.

Jeshi la Polisi Mkoani Dodoma linashikilia arobaini na tano kwa makosa mbalimbali ya uhalifu katika msako wa wahalifu uliofanyika tarehe kati ya tarehe 27/02/2014 hadi 01/03/2014.

Kamanda wa Polisi Mkoa wa Dodoma Kamishna Msaidizi Mwandamizi wa Polisi David A. Misime - SACP amesema tarehe 27/02/2014 walikamatwa jumla a watuhumiwa 42 kwa makosa mbalimbali ikiwemo pombe ya moshi lita 11 na nusu, mitambo ya gongo miwili, machicha ya kutengenezea gongo lita 50 na bangi misokoto 50 kufuatia msako uliofanywa na mtandao wa Polisi wanawake TPF-Net.

Kamanda Misime aliongeza kuwa katika tarehe 01/03/2014 alikamatwa Shafii s/o Husein, miaka 25, kabila Mrangi, muuza matunda na mkazi wa Chang’ombe Manispaa ya Dodoma akiwa na jumla ya Noti bandia 24, kati ya hizo noti 23 zote zinafanana zenye namba BU 7273435 na noti moja ina namba BE 9463738 za elifu kumi zinazoonyesha kuwa na thamani ya 240,000/= akijaribu kuziingiza katika mzunguko wa fedha kwa njia ya M- Pesa.

Pia Kamanda misime alisema kuwa alikamatwa Haroun s/o Dotto, miaka 22, kabila Mgogo, Mkulima na mkazi wa kijiji cha Matumbulu Manispaa ya Dodoma akiwa amepanda bhangi kiasi cha robo heka katika shamba la mahindi, Wilaya ya Chemba amekamatwa mtu mmoja akiwa amelima Bangi kiasi cha nusu hekari lililoharibiwa baada ya kukamatwa.

Aidha Kamanda Misime alisema msako bado unaendelea katika Wilaya zote Mkoa wa Dodoma. pia amewashukuru wananchi kwa jinsi wananyoendelea kutoa ushirikiano na jeshi hili lililofanikisha kukamatwa kwa watuhumiwa hao. 

Vile vile amewataka wafanyabiashara kuwa makini na kutoa taarifa mapema dhidi ya wahalifu wanaosambaza fedha bandia katika biashara ili waweze kuchukuliwa hatua za kisheria