POLISI WATUMIA MABOMU KUNUSURU WENZAO WASIUAWE

Na Steven Augustino, Tunduru

POLISI Wilayani Tunduru Mkoani Ruvuma walilazimika kutumia Mabomu na

risasi za moto kwa wingi ili kuwanusuru Askari wake wawili wasiuwawe

katika mzozo uliotokea July 11 mwaka huu kati yao na Wananchi wa

Vijiji vya Lukumbule na Mchesi.

Taarifa za tukio hilo zinaeleza kuwa mkasa huo ulitokea katika

Kitongoji cha Silaju kilichopo katika Kijiji cha Mchesi huku chanzo

cha Mzozo huo kikidaiwa kusababishwa na Polisi hao, baada ya kumzuwia

mwendesha pikipiki aliyetambulika kwa Jina la Sijaona Alli (Feruzi)

(31) kwa  lengo la kumtaka asimame iliawapatie chochote (rushwa) kama

ilivyozoeleka na Polisi wa jeshi hilo hapa nchini.

Sambamba na uharibifu huo pia Wananchi hao waliwajeruhi Polisi wawili

baada ya kuwashambulia kwa kuwapiga kwa mawe zikiwa ni juhudi za

Wananchi hao kupinga vitendo vya uonevu wa polisi hao ambao

waliwatuhumu kuwanyanyasa kila siku kwa kukamata na kuwatoza fedha

waendesha pikipiki na baiskeli Kijijini hapo.

Kufuatia vurugu hizo Kamati ya Ulinzi na Usalama ya Wilaya hiyo

ililazimika kuongeza vikosi vya polisi katika eneo la kijiji hicho ilikuwanusuru Vijana hao waliotajwa kwa majina ya namba ,G1921 PC. Chale

na H,9239 Pc Benjamini.

Wakisimulia mkasa huo baadhi ya mashuda wa tukio hilo walidai kuwa

baada ya Polisi hao kumzuwia mwendesha pikipiki huyo asipite huku

akiwa katika mwendo kasi aliwagonga na kuwaumiza vibaya hali ambayo

iliyopelekea Wananchi wa Vijiji vya Lukumbule na Mchesi Kuchukizwa na

kitendo hicho baada ya kukitafsiri na kuamini kuwa ni Uonevu.

Wakiongea kwa nyakati tofauti Diwani wa kata ya Lukumbule Bw Issa

Kitumbi na watendaji wa Vijiji vya Mchesi Bw Ali Mnandi na Omari Chowo

wa Lukumbule walisema kuwa vurugu zilianza kujitokeza katika Zahanati

ya kata hiyo baada ya Wananchi kupeana taarifa juu ya tukio hilo hali

ambayo ilimfanya muuguzi wa kituo hicho kuwafungia ndani Polisi na

majeruhi hao na kupiga simu kituo kikuu cha polisi Tunduru ili kuomba

msaada wa kuwanusuru polisi wasishambuliwe na Wananchi hao.

Akiongea kwa taabu majeruhi Sijaona Alli (Feruzi) ambaye amelazwa

kitanda namba 16 katika hospitali ya Wilaya ya Tunduru kwa matibabu

alisema kuwa alikumbwa na mkasa huo wakati akirejea kutoka shambani

ambako alienda kupulizia mikorosho yake na kwamba alisimamishwa ghafla

katika eneo la kona.

Aliendelea kueleza kuwa wakati akijaribu kupunguza mwendo kwa

kurudisha gia ili asimame ghafla pikipiki yake namba T823 Cfrilipigwa teke na askari aliyemtaja kwa jila moja la PC Benjamini na

kujikuta anaanguka na kuumia.

“Nilikuwa natoka shambani kupulizia mikorosho yangu ghafla

nikasimamishwa eneo la kona iliyopo katika Mtaa wa Silaju, lakini

wakati najiandaa kusimama pikipiki yangu ilipigwa teke na kunifanya

nikose balansi na kuangua” alisema Feruzi.

Feruzi aliendelea kueleza kuwa kutokana na yeye kuwa na mahusiano

mazuri na baadhi ya polisi katika kituo hicho amekuwa akisimama na

kuzungumza nao kila anapo simamishwa nao na akaongeza kuwa wiki moja

iliyopita polisi hao walimkamata na kumtoza faini ya shilingi 60,000/=

kisha kumpatia kibali cha kutomkamata tena hali ambayo ilimfanya

aonekane kutokuwa na uhasama wala mashaka nao tena.

Akizungumzia mkasa huo Kaka wa majeruhi huyo Bw. Said Alli aliwaomba

Viongozi wa jeshi hilo kumsaidia ndugu yake kwa kutenda haki, kwani

Polisi wa ngazi ya chini wameanza kumtishia ndugu yake kuwa watamkata

miguu.

Kamanda wa Polisi wa Mkoa wa Ruvuma Bw.  Msikhela Mihayo amethibitishakuwepo kwa tukio hilo la mapigano kati ya Polisi na Wananchi hao pia

walichoma moto pikipiki yenye namba za usajili T 342 CEX aina ya SNLG

ambayo mali ya askari polisi No,H 925 PC Benjamini ,mtambo wa

kufulia umeme jua (SORLA) ,Madirisha mawili,Televisheni pamoja na kung’oa paa

la kituo hicho.

Kamanda Msikhela aliendelea kufafanua kuwa kufuatia tukio hilo mpaka

sasa hakuna mtu yeyote aliyekamatwa licha ya kuwa kikosi maalumu cha

polisi toka polisi mkoa ambacho kinaongozwa na afisa upelelezi wa

makosa ya jinai ya mkoa Bw. Revokatus Malimi kimeshapelekwa na

kinaendelea kuwasaka watuhumiwa ili sheria iweze kufuata mkondo wake .

Akizungumzia tukio hilo mwenyekiti wa kamati ya mkuu wa Wilaya ya

Tunduru Chande Nalicho pamoja na kukiri kuwepo kwaa tukio hilo

alieleza kuwa hali kwa hivi sasa katika kijiji hicho ni shwari na hivi

sasa wapo kwenye kikao cha Ulinzi na usalama kufanya tathimini ya

hasara iliyotokea.