TETESI ZA SOKA ULAYA- DIRISHA DOGO LA USAJILI

 Manchester United wameweka bei ya pauni milioni 50 kwa kipa David De Gea, 24 ambaye anawaniwa wa Real Madrid (Daily Express), beki wa kimataifa wa Ujerumani Mats Hummels, 26 amewakatisha tamaa Manchester United, Arsenal, Liverpool na Chelsea kwa kusema anataka kusalia Borussia Dortmund (Daily Star), mchezaji wa kimataifa wa New Zealand anayechezea West Ham, Winston Reid, 26 amesema hatosaini kuongeza mkataba wake na anataka kujiunga na Arsenal (Daily Mirror), klabu ya Wolfsburg inayocheza Bundesliga iko tayari kutoa pauni milioni 23 kumsajili Andre Schurrle, lakini Chelsea inataka pauni milioni 30 (Daily Mail), kiungo wa Arsenal Francis Coquelin, 23 anatarajia kupewa mkataba mpya baada ya kuonesha kiwango kikubwa akitokea Charlton alipokuwa akicheza kwa mkopo (Independent),

 kiungo wa Manchester United Darren Fletcher, 30 anahusishwa na kuhamia Valencia kutokana na kutopangwa sana na Louis van Gaal (Sky Sports), lakini Fletcher anaweza kubakia England, kwani West Ham pia wanataka kumsajili (Times), West Brom wapo tayari kutoa zaidi ya mara dufu ya mshahara wa Saido Berahino, 21 ili kumshawishi mshambuliaji


 huyo asiondoke (Sun), kipa wa Club Brugge Mathew Ryan, 22 amethibitishwa kuwa anataka kucheza ligi kuu ya England na Liverpool wanamtaka (Metro), mshambuliaji wa Tottenham Roberto Soldado, 29 anatakiwa na Bayer Leverkusen ya Ujerumani (Daily Mirror), dau la pauni milioni 5.5 la Swansea kumtaka kiungo wa Stuttgart, Alexandru Maxim, limekataliwa na klabu hiyo ya Ujerumani (Daily Mail), Manchester United wanajiandaa kutoa pauni milioni 15 kumrejesha beki Gerrard Pique, 27 kutoka Barcelona (Daily Express). Tetesi nyingine kesho tukijaaliwa. Cheers!NA SALIM KIKEKE